Oblys basshysynyń aýdandarǵy issapary kezinde óńirde egin jáne mal sharýashylyǵyn damytý, sý únemdeý tehnologııalaryn engizý, ınfraqurylymdy jańǵyrtý baǵytynda atqarylyp jatqan jumystardyń barysyna nazar aýdarylyp, sharýalardyń usynys-pikirleri men ótinish-tilekteri tyńdaldy.
Erbol Qarashókeev jumys saparynyń alǵashqy nysany retinde Jýaly aýdanyndaǵy «Teris-Ashybulaq» sý qoımasyna baryp, onyń qazirgi jaı-kúıimen jáne sý jınaý, bólý múmkindikterin kórdi. 1963 jyly paıdalanýǵa berilgen sý sharýashylyǵy nysanynyń jalpy aýmaǵy 24 sharshy kshaqyrymdy quraıdy. Ortasha tereńdigi – 28,2 metr. Bógettiń uzyndyǵy – 1 860 metr. Sý qoımasynyń jobalyq syıymdylyǵy – 158,6 mıllıon tekshe metr. Sý ótkizý qabileti – sekýndyna 36 tekshe metr. Atalǵan sý qoımasy arqyly 21 039 gektar jer sýarylady.
«Qazsýshar» RMK-nyń Jambyl oblysy boıynsha fılıalynyń dırektory Qaırat Amanovtyń aıtýynsha, 2019 jyly sý qoımasyndaǵy bógettiń edáýir bóligine jóndeý jumystary júrgizilgen. Al 2026-2028 jyldar aralyǵynda sý qoımasyn Islam damý bankiniń qarjysy esebinen qaıta jańǵyrtý josparlanyp otyr.
«Klımattyń ózgerýi tirshilik pen tabıǵatqa aıtarlyqtaı áser etýde. Mundaı jaǵdaıda sý tapshylyǵy máselesi burynǵydan beter ózekti bola túsedi. Sondyqtan qolda bar sý resýrstaryn uqypty ári tıimdi paıdalaný, zamanaýı sýarý tehnologııalaryn engizý – aýyl sharýashylyǵynyń turaqty damýyn qamtamasyz etýdiń basty joly. Bul baǵytta naqty ári júıeli sharalar qabyldanyp, sharýashalarǵa jan-jaqty túsindirý jumystary júrgizilýi tıis», – dedi oblys ákimi.
Munan soń óńir basshysy «Aznur Agro» aýyl sharýashylyǵy óndiristik kooperatıviniń 400 basqa arnalǵan taýarly sút fermasynyń qurylys jumysymen tanysty. 2023 jyly Jambyl aýdanynyń Kólqaınar aýyldyq okrýginde qurylǵan kooperatıv egin jáne mal sharýashylyǵymen aınalysady. Qaramaǵynda 223 gektar egistik jáne 2 000 gektar jaıylym jeri bar. 180 gektar alqapqa tamshylatyp sýarý, al 43 gektarǵa jańbyrlatyp sýarý tehnologııasy engizilgen.
Erbol Qarashókeev «Qyzyl-Dıhan» aýyl sharýashylyǵy óndiristik kooperatıvinde de boldy. Kooperatıvke tıesili jalpy jer kólemi – 1 510,9 gektar. Onyń ishinde 1 240 gektary – egistik, 1 099,61 gektary – sýarmaly jer, 134,9 gektary – shabyndyq, 6 gektary – jaıylym. Sharýashylyqtyń ıeliginde 9 dana traktor men ózge de aýyl sharýashylyǵy tehnıkalary bar. Bıyl 250 gektarǵa kúzdik bıdaı, 350 gektarǵa jazdyq arpa, 70 gektarǵa dándik júgeri, 60 gektarǵa qant qyzylshasy, 10 gektarǵa pııaz, 187 gektarǵa kópjyldyq shóp egilip, 313 gektar jerge súri ornalastyrylǵan.
Budan soń oblys ákimi Jambyl aýdanyndaǵy «Saza» jáne «Aıtaq» kanaldarynyń qazirgi jaǵdaıyn tekserdi. Keıinnen E. Qarashókeev «Taraz» ındýstrııalyq aımaǵynda ónerkásiptik jobalarǵa arnalǵan daıyn óndiristik alańdardy jáne «TRZ Agro» JShS-nyń kókónis saqtaý qoımasynyń qurylysyn kózben kórdi. Sondaı-aq Baızaq aýdanynda ornalasqan «Seńkibaı» men «О́temis» kanaldaryn qaıta qurý jobasy aıasynda júrgizilip jatqan qurylys jumystarynyń barysyn jeke baqylaýyna aldy. Budan bólek, Myrzataı aýylynda jańadan boı kótergen veterınarııalyq pýnktti aralady.
Budan soń Erbol Qarashókeev «Nurly-jaı» sharýa qojalyǵyna bardy. Qojalyqtyń qaramaǵynda 45 gektar egistik pen 3 500 gektar jaıylym jer bar. Materıaldyq-tehnıkalyq bazasy 22 birlik aýyl sharýashylyǵy tehnıkasymen jabdyqtalǵan. 8 adam turaqty eńbek etedi. Sharýashylyqta 850 bas mal bar, onyń ishinde 200-i – asyl tuqymdy múıizdi iri qara. Qazirgi ýaqytta 50 bastan joǵary taýarly sút fermasynyń qurylysy júrgizilýde.
«Agroónerkásip keshenin damytýda taýarly sút fermalarynyń úlesi erekshe. Mundaı jobalar bir jaǵynan azyq-túlik qaýipsizdigin qamtamasyz etse, ekinshi jaǵynan aýyl turǵyndaryna turaqty jumys oryndaryn ashady. Memleket tarapynan bul baǵytqa qoldaý jalǵasady»,– degen Erbol Qarashókeev qurylys jumystaryn jedel ári sapaly oryndaýdy talap etti.
Jambyl oblysy
