Foto: Depositphotos.com
Atalǵan sıfrlyq alań arqyly azamattar 1 myńnan asa petısııa joldap, qoǵamdy tolǵandyratyn máselelermen tanysýǵa múmkindik aldy. Portal qoǵamdyq bastamalardy bildirýdiń jáne memlekettik organdardyń nazaryn ózekti taqyryptarǵa aýdarýdyń tıimdi arnasyna aınalyp keledi.
Memlekettik basqarýda ashyqtyq pen eseptilikti arttyrý maqsatynda Mádenıet jáne aqparat mınıstrligine aqparatqa qol jetkizý salasynda memlekettik baqylaý júrgizý fýnksııasy júkteldi. Esepti kezeńde 61 aqparat ıesine qatysty tekserý júrgizilip, «Aqparatqa qol jetkizý týraly» zańnyń 16-babynda kózdelgen normalar boıynsha anyqtalǵan quqyq buzýshylyqtardy joıý jóninde resmı habarlamalar joldandy.
Azamattardyń ótinishterin qaraý mádenıetin jetildirý maqsatynda elordadaǵy Azamattardy qabyldaý ortalyǵynyń tájirıbesi elimizdiń barlyq óńirine engizildi. Mınıstrliktiń aqparatyna súıensek, búginde respýblıka boıynsha 150-den asa osyndaı ortalyq jumys isteıdi. Bul ortalyqtarda azamattar memlekettik qyzmetterge júginip, ákimdik ókilderinen keńes surap, belgilengen keste boıynsha jeke qabyldaýǵa jazyla alady. Ortalyqtardyń ınfraqurylymy turǵyndardyń ártúrli sanaty úshin qolaıly ári qoljetimdi bolýyna jaǵdaı jasaıdy.
Sonymen qatar memlekettik organdardyń ashyqtyq ındeksi boıynsha aldyn ala nátıjeler jasalyp, olar Prezıdent Ákimshiliginiń jáne ortalyq memlekettik organdardyń qatysýymen ótken jıynda usynyldy. Bul baǵalaý 48 ortalyq jáne jergilikti atqarýshy organnyń qyzmetin qamtyp otyr.
Memleket pen qoǵam arasyndaǵy ózara is-qımyldyń sıfrlyq ári ınstıtýsıonaldyq tetikterin damytý tıimdi basqarýdy qamtamasyz etýge jáne halyq senimin nyǵaıtýǵa baǵyttalǵan qazirgi memlekettik saıasattyń mańyzdy baǵyty bolyp qala bermek.
