Bul týraly Germanııanyń ishki ister mınıstri Aleksandr Dobrındt resmı túrde málimdedi. Onyń aıtýynsha, budan bylaı mınıstrlik ne jańa ótinishterdi, ne buryn berilgen ruqsattardy uzartýdy qarastyrmaıdy. Buǵan deıin atalǵan baǵdarlama boıynsha bosqyndardyń týystary Germanııaǵa kelip, olarǵa shaqyrýshy jaq medısınalyq shyǵyndardy óz moınyna alatyn edi.
Berlın senatynyń qarjy jónindegi senatory Shtefan Evers te bul sheshimdi qoldady. Ol eldegi bosqyndarǵa ketetin shyǵyndardy qysqartý qajettigin atap ótti. Onyń aıtýynsha, qazirgi tańda memleket bosqyndarmen baılanysty mindettemelerdiń edáýir bóligin óz esebinen oryndaýǵa májbúr.
Shekteýlerdiń basty sebebi – qarjylyq kepildikterdiń shekteýli merzimi. Germanııada bosqyndardy shaqyrǵan týystary olardyń shyǵyndaryn tek 5 jyl boıy kótere alady. Osy merzim ótken soń, olardyń barlyq áleýmettik jáne turmystyq qamtamasyz etilýi memlekettik bıýdjetke júktelýi múmkin. Bul – federaldyq úkimet úshin uzaqmerzimdi qarjylyq táýekel sanalady.
Sarapshylardyń pikirinshe, el bıligi endi áleýmettik saıasat pen qaýipsizdik múddesi arasyndaǵy tepe-teńdikti saqtaýǵa tyrysyp jatqanyn aıtady.
