Batys Qazaqstan oblysy Polısııa departamentiniń kıberqylmysqa qarsy is-qımyl basqarmasy men Oral qalalyq PB krımınaldyq polısııa qyzmetkerleri birneshe alaıaqtyqqa qatysy bar degen kúdikpen 32 jastaǵy qala turǵynyn ustady.Tergeý barysynda kúdikti Instagram áleýmettik jelisinde kepilsiz nesıe rásimdeý týraly jalǵan jarnama jarııalap, azamattardy WhatsApp messendjerindegi silteme arqyly ótip, mıkrokredıttik uıymdardan onlaın nesıe alýǵa kóndirip otyrǵan. Nesıe rásimdeý kezinde ol qarajatty ózine jáne tanystarynyń bank shottaryna aýdarýdy suraǵan. Jábirlenýshilerge verıfıkasııadan ótý úshin arnaıy siltemeler jibergen.
Nesıe maquldanǵannan keıin aqsha kórsetilgen esepshottarǵa, keıin kúdiktiniń atyna tirkelgen shotqa aýdarylyp, qaladaǵy túrli bankomattar arqyly qolma-qol aqshaǵa aınaldyrylǵan. Kúdiktiniń úıin tintý barysynda 27 telefon, tórt SIM-karta jáne tórt bank kartasy tárkilenipti. Polısııa qazirgi tańda tórt epızod boıynsha qylmystyq is qozǵalǵanyn habarlady. Keltirilgen jalpy shyǵyn kólemi — 1,5 mln teńgeden astam. Kúdikti ýaqytsha ustaý ızolıatoryna qamalǵan, tergeý júrip jatyr.
Batys Qazaqstan oblysy
