Sýret: gov.kz
Aqjaıyq dıqandary bıyl oblysta barlyǵy 633 myń gektar alqapqa egin ekken. Sonyń ishinde dándi daqyldar – 296,8 myń gektar. Onyń 91,5 myń gektary – kúzdik daqyl bolsa, 121 myń gektary – maıly daqyldar. Al kartop, kókónis-baqsha daqyldary – 4,2 myń, mal azyǵy 211 myń gektar jerdi qurap jatyr. «2025 jylǵy josparymyz boıynsha oblysta barlyq aýyl sharýashylyǵy daqylynyń egis alqaby 612,7 myń gektar bolýy tıis edi. Nátıjesinde, odan da kóbirek boldy», deıdi Berik Maratuly.
Basqarma usynǵan málimetke qaraǵanda, ónim kólemi jaman emes. Budan bólek, sharýalar erte pisetin kókónisti de jınaýǵa kiristi. Jalpy, óńirdegi eginniń jaǵdaıy «jaqsy» men «qanaǵattanarlyq» baǵanyń arasynda. О́nim mólsheri kópjyldyq ortasha mánnen kem bolmaıdy degen boljam bar.
Kúzgi dala jumysyn júrgizý úshin sharýalarǵa 11,8 myń tonna arzan dızel janarmaı bólingen. Onyń 3,08 myń tonnasy – shilde aıynda, 3,92 myń tonnasy – tamyzda, 4,3 myń tonnasy – qyrkúıekte, qalǵan 0,52 myń tonna dızel otyny qazan týa sharýalarǵa beriledi.
Berik Maratuly kúzgi dala jumystaryna tehnıka tolyq daıyn dep otyr. Buǵan 5 312 traktor, 911 kombaın, 3 711 tirkeme jáne ózge de tehnıka qatyspaq. Otandyq zaýyttardan jáne tyńaıtqysh satýshylardan barlyǵy 4,5 myń tonna tyńaıtqysh satyp alynǵan. Oblystaǵy arnaıy lısenzııasy bar 8 astyq qabyldaý kásiporny 586 myń tonna ónimdi qabyldap, saqtaı alady.
Dıqan qaýymyn jaýapty maýsym qarsańynda oblys ákimdigi de barynsha qoldap otyr. Bıyl ósimdik sharýashylyǵyn sýbsıdııalaý men qyzmet kórsetýge jergilikti bıýdjetten 2,6 mlrd teńge bólinip, sonyń 595 mln teńgesi ıgerilgen eken.
«Budan bólek, kóktemgi dala jumystaryna jáne egin oraǵyn nesıeleýge oblysqa 21,4 mlrd teńge bólindi. Sonyń ishinde «Agrarlyq nesıe korporasııasy» arqyly – 18,4 mlrd teńge, «Aqjaiyq» áleýmettik kásipkerlik korporasııasy» arqyly 3 mlrd teńge tústi. Búginde sharýalarǵa 5 paıyzdyq ósimmen 9,2 mlrd teńge nesıe berildi. Sonymen qatar 1,3 mlrd teńgege jýyq nesıeniń ótinimi qaralyp jatyr», deıdi Berik Seıitqazıev.
Batys Qazaqstan oblysy
