Foto: Oqý-aǵartý mınıstrligi
Osy jumystar aıasynda bıyl 700-ge jýyq mektep kitaphanasy jóndeýden ótedi. Bul shamamen 300 myń balaǵa zamanaýı jáne qolaıly kitaphana keńistigin paıdalanýǵa múmkindik beredi.
«Memleket jyl saıyn bilim berý ınfraqurylymyn jaqsartýǵa qarajat bóledi. Mektep kitaphanalaryn jańǵyrtý aıasynda avtomattandyrylǵan kitaphana júıesi engizilýde, kovorkıng-aımaqtar ashylyp, kúrdeli jóndeý júrgiziledi, jıhazdar jańartylýda», dedi Infraqurylymdy damytý departamenti dırektorynyń orynbasary Roza Sembaeva.
Mektepterde kitaptardy avtomatty túrde esepke alatyn jáne jedel izdeıtin RFID tehnologııasy engizilip jatyr. Al 20-dan astam kitaphanada skanerleýshi robottar jumys isteıdi. 2023 jyldan bastap «Balalar kitaphanasy» jobasy aıasynda mektep kitaphanalarynyń qory 1,6 mıllıon dana kórkem ádebıetpen tolyqqan. Búginde jalpy kitap qory 141 mıllıon danadan asady.
Oqý-aǵartý mınıstrliginiń málimetinshe, kitaphanashy kadrlardyń kásibı sheberligin shyńdaýǵa da nazar aýdarylyp jatyr. Byltyr 1 775 mektep kitaphanashysy biliktilikti arttyrý kýrstarynan ótken. Bul baǵyttaǵy jumystar jańa oqý jylynda da jalǵasady
