Foto: pixabay
Elde tabıǵı apattyń saldaryn joıýǵa baǵyttalǵan aýqymdy jumystar jalǵasyp jatyr. Qutqarý operasııalaryna polısııa qyzmetkerleri jumyldyrylǵan. Qytaı Halyq Respýblıkasynyń Qoǵamdyq qaýipsizdik mınıstrliginiń málimetinshe, polıseıler 101 myń turǵyndy qaýipsiz jerge kóshirip, tabıǵat apaty saldarynan tuzaqta qalǵan 1 800-den astam adamdy qutqarǵan.
Mınıstrlik jergilikti bólimshelerge, ásirese zardap shekken aımaqtarda, tıisti qurylymdarmen birlese otyryp, jedel kómek kórsetý, jasyryn qaýip-qaterlerdi anyqtaý, kólik qozǵalysynyń úzdiksizdigin qamtamasyz etý jáne qoǵamdyq tártipti saqtaý jumystaryn kúsheıtýdi tapsyrǵan. Bul ásirese ýaqytsha ornalastyrý pýnktteri, qoımalar, medısınalyq beketter men baspana berý oryndarynda mańyzdy ekeni atap ótildi.
Sońǵy kúnderi Qytaıdyń shyǵys, soltústik jáne soltústik-shyǵys aımaqtarynda tolassyz jaýǵan nóser jaýyn saldarynan sý tasqyny tirkeldi. Beıjińde kúshti jaýyn-shashyn saldarynan 30 adam qaza tapty. Saldarynan joldar búlinip, elektr qýaty úzilgen.
Tabıǵı apattyń kúsheıýine baılanysty jalpy 80 332 adam evakýasııalanǵan. Qaıǵyly oqıǵalar negizinen Qytaı astanasynyń soltústik taý aımaqtarynda oryn alǵan.
