Foto: istockphoto.com
Mádenıet jáne aqparat mınıstrliginiń málimetinshe, platformadaǵy kontent qaralymynyń sany 4 076 629-ǵa jetip, 30% ósken. Qashyqtyqtan 746 056 oqyrman paıdalanǵan.
Sondaı-aq avtorlardyń ruqsatymen qujattar 1 mıllıon 600 myńnan astam ret júktelgen.
Jyl basynan beri elektrondy baza 2 758 qujatpen tolyǵyp, byltyr osy kezeńmen salystyrǵanda 6% kóbeıgen. Búginge deıin 114 842 bet skanerlenip, 362 049 bet redaksııalanǵan.
Qazaqstandyq Ulttyq elektrondy kitaphana qorynda 81 357 qujat saqtalǵan. Oqyrmandar 64 tildegi qujattarmen erkin tanysa alady.
Aıta keteıik, QazUEK – qazaqstandyq mazmundaǵy keń kólemdi aqparattar usyna alatyn tuńǵysh memlekettik kitaphanalyq portal.
Kez kelgen paıdalanýshy ınternet jelisi arqyly Qazaqstandyq Ulttyq elektrondy kitaphana portalyna tirkelmeı-aq, erkin, avtorızasııasyz tolyq mátindi qujattarmen tanysa alady. QazUEK álemniń 110 elinen paıdalanýshylardyń senim artyp, turaqty qoldanatyn portalyna aınalǵan. Portaldy paıdalanýshy negizgi elder qatarynda Qazaqstan, Reseı, Germanııa, AQSh, О́zbekstan, Nıderlandy, Fransııa, Túrkııa, Qytaı, Ulybrıtanııa jáne t.b. bar.
Portaldyń kózi nashar kóretin jandar úshin jasalǵan nusqasy da jumys istep tur.
