Foto: Reuters
Ishki ister mınıstri Alı Erlıkaıanyń sózinshe, tabıǵı apat oryn alǵan óńirlerde shyǵyn kólemi naqty eseptelip, zalaldy óteý úshin qajetti sharalar qabyldanyp jatyr. Memleket tarapynan bólingen 128 mıllıon túrik lırasynyń 83 mıllıonynan astamy zardap shekken turǵyndarǵa ótemaqy retinde úlestirilgen.
«Baspanasynan aıyrylǵan azamattar arnaıy daıyndalǵan 105 modýldik úıge ornalastyryldy. Qaýipti aýa raıy jaǵdaılary aıasynda barlyq turǵyndardy muqııat bolýǵa shaqyramyn», dedi mınıstr Erlıkaıa.
Túrkııa bıligi orman alqaptaryndaǵy órtterdiń basym bóligi adamdardyń áreketinen týyndaǵanyn birneshe ret eskertken. El aýmaǵynda 2024 jyldyń basynan beri tirkelgen 4 247 orman órti jaǵdaıynyń 96 paıyzyna adamdardyń nemquraılyǵy nemese qasaqana áreketteri sebep bolǵan. Bul týraly prezıdent Rejep Taıyp Erdoǵan málimdedi.
