Foto: rail-news.kz
Qazir elimizde «Dostyq – Moıynty» jáne «Almaty qalasynyń aınalma joly» jobalary aıaqtalý satysynda. Kelesi jyly «Moıynty – Qyzyljar», «Darbaza – Maqtaaral» jobalary aıaqtalady. Al 2027 jyly «Baqty – Aıagóz» jobasy iske qosylady.
Sondyqtan jolaýshy tasymaldaý salasyn jańa vagondarmen tolyqtyrý josparlanǵan.
«Jyl sońyna deıin 175 jańa jolaýshylar vagonyn satyp alý josparlanyp otyr. Áýe habtaryn damytý jáne áýe júkteriniń kólemin arttyrý maqsatynda áýejaı ınfraqurylymy jańǵyrtylýda, kedendik rásimder jeńildetilýde, sıfrlyq sheshimder engizilýde. Zaısan, Katonqaraǵaı jáne Kendirli kýrorttyq aımaqtarynda áýejaı qurylysy bastaldy. Avtokólik joldary salasynda 12 myń shaqyrym jol qurylys jáne jóndeý jumystarymen qamtylǵan, onyń 7 myń shaqyrymyn osy jyldyń sońyna deıin aıaqtaý josparlanǵan», dedi R.Sklıar.
