Zertteý qoǵamda eldiń damý jolyna qatysty tutastyq pen turaqtylyqtyń saqtalǵanyn kórsetedi. Qoǵamdaǵy áleýmettik kóńil-kúıdiń ornyqtylyǵy men senimdilik deńgeıiniń joǵary bolýy eldegi ekonomıkalyq jáne saıası prosesterge oń baǵa berýdiń kórinisi retinde baǵalanady.
Áleýmettik-ekonomıkalyq jaǵdaıǵa respondentterdiń 73,6%-y oń baǵa bergen. Bul — halyq arasynda qazirgi jaǵdaıǵa qatysty kózqarastardyń turaqtalǵanyn bildiredi.
Saıası ahýal da turǵyndar tarapynan oń qabyldanǵan: saýalnamaǵa qatysqandardyń 76,2%-y qazirgi saıası jaǵdaıǵa qanaǵattanatyndaryn jetkizgen.
Mundaı oń pikirler JIО́ ósimi, áleýmettik jáne ınfraqurylymdyq jobalardyń iske asýy, turǵyn úı-kommýnaldyq sharýashylyq pen kólik ınfraqurylymyn jańǵyrtý sııaqty birqatar faktorlardyń jıyntyǵymen baılanysty. Atap aıtqanda, el ekonomıkasynyń 6%-ǵa ósýi, jańa mektepter men aýrýhanalar sııaqty áleýmettik nysandardyń ashylýy, jol jóndeý jáne ınjenerlik jelilerdi jańartý jumystarynyń júrgizilýi – qoǵam tarapynan oń baǵalardyń artýyna sebep bolyp otyr.
Saýalnama 18 jastan asqan 2000 azamattyń qatysýymen, ulttyq reprezentatıvti irikteme boıynsha júrgizilgen. Iriktemeniń yqtımal statıstıkalyq qatelik mólsheri ±2,2%-dan aspaıdy.
