Qyzylorda, Túrkistan, Jambyl, Almaty, Batys Qazaqstan, Atyraý jáne Mańǵystaý oblystarynda shańdy daýyl men naızaǵaı kútilip otyr. Keı jerlerde burshaq jaýýy yqtımal. Jel ekpini 15-20 m/s, keı óńirlerde 23-28 m/s-qa deıin jetedi. Qyzylorda men Túrkistanda túnde de aýa raıy qubylyp, naızaǵaı men qatty jel saqtalady.
Qaraǵandy, Pavlodar, Aqmola, Qostanaı, Shyǵys Qazaqstan, Abaı jáne Soltústik Qazaqstan oblystarynda naızaǵaı men qatty jańbyr, burshaq jáne daýyl bolady dep boljanýda. Túngi jáne tańǵy ýaqytta tuman túsedi. Atalǵan óńirlerde de jeldiń jyldamdyǵy artyp, qatty ekpinmen soǵýy múmkin.
Almaty oblysynyń taýly aımaqtarynda, Jetisý men Shyǵys Qazaqstanda naızaǵaı oınap, jel kúsheıedi. Kóptegen aımaqta joǵary jáne tótenshe órt qaýpi saqtalyp otyr. Qaýiptilik deńgeıi ásirese Qyzylorda, Túrkistan, Jambyl, Batys Qazaqstan, Mańǵystaý jáne Abaı oblystarynda joǵary.
Megapolısterde de jaǵdaı turaqsyz:
Almatyda kúndiz naızaǵaı, jeldiń ekpini 18 m/s-qa deıin kúsheıedi.
Shymkentte de naızaǵaı, daýyl jáne shańdy daýyl bolady.
Astanada burshaq pen naızaǵaı boljanýda, jeldiń jyldamdyǵy 20 m/s-qa deıin jetýi múmkin.
Meteorologtar turǵyndardy saq bolýǵa, alys jolǵa shyqpaýǵa jáne aýa raıyna beıimdelgen qaýipsizdik sharalaryn ustanýǵa shaqyrady. Qaýipsizdik maqsatynda tótenshe jaǵdaılar qyzmetteri kúsheıtilgen rejımde jumys isteýde.
