Shaǵyn aýyl turǵyndarynyń shattyǵyna Batys Qazaqstan oblysynyń ákimi Narıman Tóreǵalıev pen oblystyq densaýlyq saqtaý basqarmasynyń basshysy Madııar О́teshov arnaıy kelip qatysty. Saltanatty jıynda oblys ákimi aýyl turǵyndaryn medısınalyq nysannyń ashylýymen quttyqtady.
– Prezıdent Qasym-Jomart Toqaev Qazaqstan halqyna arnaǵan Joldaýynda «Elimizdiń basty qundylyǵy – adam. Ult densaýlyǵy jaqsy bolsa ǵana, qoǵam ornyqty damıdy» dep atap ótti. Shaǵyrlyoı aýylynda jańa feldsherlik-akýsherlik pýnkttiń ashylýy – barshamyz úshin qýanyshty oqıǵa. Endi aýyl turǵyndary sapaly ári ýaqtyly medısınalyq kómekke qol jetkize alady. Nysan analar men balalardyń, jalpy aýyl turǵyndarynyń saýlyǵyn nyǵaıtýǵa óz úlesin qosady dep senemin, – dedi óńir basshysy.
Medısınalyq mekeme Memleket basshysynyń tapsyrmasyna sáıkes, aýyl turǵyndarynyń ómir sapasyn jaqsartýǵa baǵyttalǵan «Aýyldyq densaýlyq saqtaýdy jańǵyrtý» ulttyq jobasy aıasynda júzege asyp otyr. Jalpy aýmaǵy 260 sharshy metrden asatyn jańa nysan zamanaýı medısınalyq qural-jabdyqtarmen jabdyqtalǵan. Munda kúnine 40 adam dáriger kómegine júgine alady. Feldsherlik pýnktte aýyldyń 4 turǵyny turaqty jumys isteıdi.
– Buryn bas aýyryp, baltyrymyz syzdasa aýdan ortalyǵyna, tipti oblysqa barýǵa týra keletin. Endi dárigerge júginý jeńildedi. Jańa ǵımarat jaryq, keń, halyqqa barlyq jaǵdaı jasalǵan eken. Osyndaı qamqorlyǵy úshin Memleket basshysyna alǵysymyz sheksiz, – deıdi aýyl ardageri Saǵıdoqas Baqtyǵalıev.
Jalpy, Batys Qazaqstan oblysynyń aýyldarynda medısınalyq ınfraqurylymdy damytýǵa baǵyttalǵan jumys júıeli júrip jatyr. Jaqynda ǵana Aqjaıyq aýdanyna qarasty Bazarsholan aýylynyń turǵyndary da dál osyndaı qýanyshty bastan keshti. Mundaı nysandar shalǵaı aýyl turǵyndarynyń ómir sapasyn jaqsartýǵa, densaýlyq saqtaý qoljetimdiligin qamtamasyz etýge sep bolary anyq.
Batys Qazaqstan oblysy
