Qonys toı ıelerin arnaıy quttyqtaı barǵan óńir basshysy Erbol Qarashókeev, jańa páter ıelerini izgi tilegin bildirip, kilt tabystaý is-sharasyna qatysty.
Resmı derekke júginsek, jańa turǵyn úıdiń qurylys jumysy ótken jyly bastalǵan. Bas merdiger «Bınom» JShS qolǵa alǵan jumys osy jyly aıaqtalyp, 5 qabatty turǵyn úı ıelerin tapty.
«Biz páter kezeginde turǵan azamattar sanyn azaıtý maqsatynda jyl saıyn turǵyn úı qurylysynyń kólemin ulǵaıtyp jatyrmyz. Aýdan turǵyndaryn baspanamen qamtý maqsatynda aýdan basshysyna naqty mindetter júktelgen. Jańa páterdiń bosaǵasyn attaǵan árbir otbasyn shyn júrekten quttyqtaımyn», dedi oblys basshysy is-sharada sóılegen sózinde.
Jyldar boıy páter kezeginde turǵan kópbalaly otbasy az emes. Solardyń biri Roza Kerimbaeva búgin baspanaǵa ıe bolyp, qýanyshymen bólisti.
«Uzaq jyl kútken armanymyz oryndaldy. Sol úshin de bılik basyndaǵy azamattarǵa aıtar alǵysymyz sheksiz. Árbir otbasynda osyndaı qýanysh bolsyn. Jańa páter alýymyzǵa muryndyq bolǵan azamattardyń bárine alǵysym sheksiz», deıdi ol.
