Foto: api.action-media.ru
Qatysýshylardy irikteý bes kezeńnen: testileý, oqytý, taǵylymdama, qorytyndy baǵalaý jáne suhbattan turady. Byltyr 2,5 myńnan astam úmitkerdiń arasynan kásibı daıarlyq kýrsyna 433 kandıdat iriktelip alynǵan.
Joba halyqaralyq ozyq tájirıbege negizdelgen. Máselen kóptegen elderde mektep dırektorlaryn taǵaıyndamas buryn olardy arnaıy daıarlaý mindetti talap sanalady. Qatysýshylar oqýdan ótip, úzdik bilim berý uıymdarynda taǵylymdamadan ótedi jáne tálimgerlik qoldaýmen qamtylady.
Búgingi tańda respýblıkalyq kadrlyq rezervke 583 pedagog engizilip, olardyń 397-si konkýrstan tys negizde basshylyq qyzmetke taǵaıyndalǵan. Tek 2024 jyldyń ózinde 36 rezerv múshesi jańa úlgidegi «Keleshek mektepteri» jobasy aıasynda salynǵan mektepterdiń dırektory bolǵan.
