Aımaqtar • 04 Tamyz, 2025

Oral qalasynyń jylý magıstralin jańǵyrtýǵa 2,5 mlrd teńge bólindi

90 ret

kórsetildi

1 mın

oqý úshin

Premer-mınıstr Oljas Bektenov Oral qalasynyń 3,9 shaqyrym magıstraldy jylý jelilerin rekonstrýksııalaý jumystaryn aıaqtaý úshin Úkimet rezervinen shamamen 2,5 mlrd teńge bólý týraly qaýlyǵa qol qoıdy, dep jazady Egemen.kz.

Dana MYRZAQADIR

Oral qalasynyń jylý magıstralin jańǵyrtýǵa 2,5 mlrd teńge bólindi

Foto: egemen.kz/ Erlan Omar

Oraldaǵy №2 jylý magıstralin rekonstrýksııalaý jobasy sheńberinde JEO kollektorynan bastap «Sıtı Sentr» saýda úıi mańaıyna deıin tómenge túsirý boıynsha qurylys-montajdaý jumystary 2024 jyly bastalǵan. Jylý magıstraliniń bul ýchaskesi 1987 jyly paıdalanýǵa berilgen. Osy kezeńde kótergish temirbeton konstrýksııalary, bekitý armatýrasy birshama tozǵany anyqtaldy.

Oblys ákimdiginiń málimetinshe, bul ýchaskede rekonstrýksııalaý jumystary 2025-2026 jyldary jylytý maýsymy bastalǵanǵa deıin aıaqtalady.

Jobany júzege asyrý tozǵan jylý jelileriniń kólemin azaıtyp, ystyq sý berýdiń ótkizý qabiletin arttyrýǵa jáne paıdalaný shyǵyndaryn azaıtýǵa múmkindik beredi.

Aıta keteıik, Oral qalasynyń jylý jelileriniń uzyndyǵy – 249 shaqyrym. Nysan ótken ǵasyrdyń 70-80 jyldary paıdalanýǵa berilgen. Qazirgi ýaqytta jylý magıstraldy jelileriniń 50 paıyzy tozǵan.