О́SKEMEN. 17 aqpan. «Nur Otan» partııasy Tarbaǵataı aýdandyq fılıaly janyndaǵy «Jas Otan» jastar qanatynyń uıymdastyrýymen Uly Jeńistiń 70 jyldyǵyna oraı «Ardagerlerdi ardaqtaıyq» jobasy sheńberinde «Qolǵabys» aksııasy ótti. Bul týraly egemen.kz tilshisi habarlady.
Tarbaǵataılyq jastar Sátpaev aýyldyq okrýginiń Kóktúbek eldi mekeninde turatyn jalǵyzilikti qart Qajken Seıitovtiń úıiniń aldy men aýlasynyń mańaıyndaǵy qaryn kúrep, otyn-sýyn tasyp, qorajaıynyń tóbesin bútindep berdi. Al qyzdar qarııanyń úıiniń jınap, edenin jýyp kómek kórsetti. Sondaı-aq S.Boranbaeva, J.Qaıyrbekova syndy ákimshilik qyzmetkerleri de jastardyń aksııasyna qatysyp, ózderi daıarlaǵan syılyqtaryn ardagerge tabys etti.
Aksııaǵa Kóktúbek orta mektebiniń «Qolqanat» atty oqýshylar toby men aýyl jastary qatysty. Aýyl qarttary jastarǵa rızashylyqtaryn bildirip, aq batalaryn berdi.
Bul ıgi bastama aýdan kóleminde jalǵasyn tapty. Iаǵnı tarbaǵataılyq jastar aýdandaǵy 17 aýyldyq okrýg pen 65 eldi-mekende turatyn barlyq qart adamdarǵa járdem kórsetýde.
«Jalpy, aýdan jastary osyndaı ıgi bastamalardy qolǵa alyp, qarttarǵa syı-qurmet kórsetýdi dástúrge aınaldyryp keledi. Soǵys ardagerlerine, jalǵyz basty analarǵa, tyl jáne eńbek ardagerlerine únemi kómek kórsetip, qol ushyn berip otyramyz. Osyndaı saýapty da ıgi shara kópke úlgi ekeni sózsiz», – dedi partııanyń aýdandaǵy fılıalynyń «Jas Otan» jastar qanatynyń atqarýshy hatshysy Darhan Káribaev.
Dýman Anash.
Derek: egemen.kz.
Sýret: «Nur Otan» partııasy ShQO fılıaly.
