Foto: egemen.kz/ Erlan Omar
Qarjylaı syıaqylar Azııa dodasynda joǵary jetistikke jetken 85 sportshy men 32 jattyqtyrýshyǵa berildi. Aq Azıadada jerlesterimiz 4 altyn, 9 kúmis jáne 7 qola medal jeńip alyp, jalpykomandalyq esepte 34 eldiń ishinde 4-orynǵa turaqtaǵan edi. El qorjynyna altyn júldelerdi bıatlonnan jekeleı synda óner kórsetken Vladıslav Kıreev, frıstaıl-akrobatıkadaǵy sınhrondy sekirý juby, short-trek sportynan 5000 metrlik estafeta komandasy jáne shaıbaly hokkeıden erler quramasy salǵan bolatyn.
Memleket basshysynyń tapsyrmasy aıasynda halyqaralyq arenada el týyn kókke kótergen jeńimpazdar men júldegerlerdi marapattaý sportty damytýǵa arnalǵan mańyzdy baǵyttyń biri bolyp otyr.
