Foto: Úkimet, telegram
«Memleket basshysy ekonomıkanyń barlyq salasyn sıfrlyq transformasııalaý mindetin qoıdy. Kórip otyrǵanymyzdaı, saýda salasynda júıeli jumys júrip jatyr. Taýarlardy tolyq qadaǵalaý jáne sáıkestendirý aıasynda ulttyq katalog engizilip jatyr. Bul taýarlardy óndirýden nemese ákelýden bastap, kóterme jáne bólshek saýdada ótkizýge deıingi barlyq kezeńde olardy jikteýge negiz bolady», dep atap ótti Oljas Bektenov.
Búginde «Astana-1» jáne «Elektrondyq shot-faktýralar» aqparattyq júıeleriniń ıntegrasııasy qamtamasyz etiledi. Alaıda taýarlardy sıfrlyq qadaǵalaýdyń qoldanystaǵy júıesi ónimderdiń shekteýli sanattaryn ǵana qamtıdy jáne ár jerde bólek-bólek ornalasqan anyqtamalyqtar men derekter formatyna súıenedi.
«Qarjy jáne Saýda mınıstrlikteri basqa da memlekettik organdarmen birlesip, Taýarlardyń ulttyq katalogyn barlyq salada engizý jumystaryn kúsheıtýi qajet. Bıznesti osyǵan belsendi túrde atsalysýǵa shaqyramyn», dedi Premer-mınıstr.
