Foto: gov.kz
Jyl basynan beri Astana men Almaty qalalarynda osy qyzmet 266,8 myń ret paıdalanylǵan.
Byltyr múgedektigi bar adamdar ınvataksı qyzmetin 207,2 myń ret shaqyrǵan. Mınıstrlik ákimdiktermen birlesip osy qyzmettiń tetigine ózgertý engizý týraly sheshim qabyldaǵan. Mysaly, azamattarǵa qyzmet alýdan bir kún buryn telefon arqyly jazylý qajet. Bul ınvataksıdi kútý kezeginiń jáne kólik jetispeýshiliginiń aldyn alady.
Osy jáne ózge sharttardy jeńildetý úshin osy qyzmetti kórsetýge suranys bildirgen taksı agregatorlaryn tartý boıynsha pılottyq joba bastalǵan. Jobada sapar aqysyna paıyz qosylmaıdy. Buǵan deıin mundaı paıyz agregator platformalarynyń paıdasyna aýdarylyp kelgen. Pılottyq joba sheńberinde azamattar Iаndeks Go mobıldi qosymshasy arqyly Invataksı qyzmetin qoldana alady. Bul qyzmetti alýshy úshin kólikti tezirek tańdaýǵa, onlaın rejıminde tapsyrys mártebesin qadaǵalaýǵa jáne jasalǵan saparlarǵa monıtorıng júzege asyrýǵa múmkindik beredi.
Pılottyq joba sátti júzege assa bastamany el boıynsha engizý josparlanǵan.
