Foto: Ashyq derekkózden
Bul sheshim azamattardyń derbes derekterin qorǵaý deńgeıin arttyrý jáne jeke sıfrlyq derekterdiń qaýipsizdigin qamtamasyz etýge baǵyttalǵan. Sondaı-aq, elektrondyq qoltańbany bógde tulǵalardyń alýyna jol bermeıdi.
Buryn ESQ kiltterin onlaın da, HQKO-da da alýǵa bolatyn. Endi bul prosedýra tolyqtaı onlaın formatqa kóshirildi.
ESQ-ny onlaın alý úshin:
- egov.kz nemese pki.gov.kz portalyna kirińiz;
- Onlaın ótinim jiberińiz;
- Bıometrııalyq sáıkestendirýden ótińiz – júıe kamera arqyly bet-álpetińizdi tanıdy.
Eger tulǵa beınesi sátti rastalsa, ESQ kilti birden, HQKO qyzmetkerleriniń qatysýynsyz onlaın túrde beriledi. Keıde júıe tulǵany tanymasa, bazada fotosýret bolmasa nemese tehnıkalyq aqaý bolsa, júıe 5 retke deıin bıometrııalyq tekserýden ótkizýge múmkindik beredi. Osy áreketter sátsiz aıaqtalǵan soń ǵana HQKO-ǵa júginý múmkindigi paıda bolady.
Mańyzdysy – bıometrııadan ótpeıinshe, HQKO-da operator arqyly ótinish berý múmkin emes. Operator JSN boıynsha aqparatty tekseredi jáne eger bes ret sátsiz bıometrııa tapsyrý áreketi bolmaǵan jaǵdaıda, qyzmet kórsete almaıdy. Onlaın qyzmet tolyq paıdalanylǵannan keıin ǵana HQKO arqyly ótinish berý múmkindigi avtomatty túrde ashylady.
Internet baılanys nashar jáne nemese kompıýteri joq azamattar úshin HQKO-nyń ózine-ózi qyzmet kórsetý aımaqtarynda bıometrııadan ótý múmkindigi qarastyrylǵan. Eger paıdalanýshy sol jerde sátti ıdentıfıkasııadan ótse, ESQ kiltteri HQKO operatorynyń qatysýynsyz onlaın túrde beriledi.
Mınıstrlik dereginshe, Qazaqstanda ESQ berý prosesiniń negizinen qashyqtan formatqa aýysqan. 2025 jyldyń basynan beri respýblıka boıynsha 14,9 mıllıonnan astam ESQ kilti berilgen. Sonyń ishinde 92,25%-y qashyqtan sáıkestendirý arqyly, al nebári 7,75%-y HQKO arqyly rásimdelgen. Bul derekter onlaın-servıstiń joǵary suranysqa ıe ekenin jáne memlekettik qyzmetterdiń sıfrlandyrý baǵytynda turaqty úrdis qalyptasqanyn kórsetedi.
Bul jańashyldyq aqparattyq qaýipsizdik deńgeıin arttyrýǵa baǵyttalǵan. ESQ óz qolymen qoıylǵan qoltańbaǵa teńestiriledi jáne tolyq zańdy kúshke ıe, sondyqtan ESQ kiltterine qoljetimdilik tek onyń ıesinde ǵana bolady. Bıometrııany qoldaný jeke tulǵany senimdi túrde rastaýǵa jáne ESQ kiltterin zańsyz alý jaǵdaılarynyń aldyn alýǵa múmkindik beredi.
