Elbasy Nursultan Nazarbaev Memleket basshysynyń kandıdatýrasyn qoldaý úshin qurylǵan Respýblıkalyq qoǵamdyq shtabtyń jumysymen tanysty, dep habarlady Prezıdenttiń baspasóz qyzmeti.
Shtabqa kelgen Nursultan Nazarbaev Úgit jáne senimdi ókildermen jumys jónindegi ortalyqtyń jáne Ahýaldyq ortalyqtyń qyzmetimen tanysty.
О́ńirlik qoǵamdyq shtabtar basshylarymen jáne múshelerimen beıne-máslıhat rejiminde uıymdastyrylǵan keńesti ashqan Memleket basshysy alda aýqymdy jumys kútip turǵanyn aıtty.
– Senimdi ókilderdiń, qoǵamdyq shtab músheleriniń 60 paıyzǵa jýyǵy ótken saılaýǵa qatysyp, jaqsy tájirıbe jınaqtaǵan. Sonymen qatar, munda jańa senimdi ókilder de bar. Bul bizde urpaq sabaqtastyǵy bar ekenin kórsetedi. Men saılaýaldy naýqanyna birinshi ret qatysyp otyrǵandardyń bárine iltıpatymdy bildiremin. Búginde respýblıkalyq jelilik keste jasaldy, óńirlik shtabtardyń naqty is-qımyl josparlary bar, – dedi Qazaqstan Prezıdenti.
Memleket basshysy barlyq oblystyq qoǵamdyq shtabtardyń úgit naýqanyna daıyndyǵy týraly esepterin tyńdady.
Nursultan Nazarbaev respýblıkany ári qaraı damytý joldary «Qazaqstan-2050» Strategııasynda aıqyndalǵanyna, onda álemdegi eń damyǵan 30 eldiń qataryna kirý maqsaty qoıylǵanyna nazar aýdardy. Jahandyq ekonomıkadaǵy daǵdarys qubylystaryn eńserý úshin «Nurly Jol» baǵdarlamasy qabyldanyp, júzege asyrylyp jatyr. Osyǵan baılanysty Qazaqstan Prezıdenti el halqynyń ómir súrý deńgeıi men sapasyn arttyrý úshin basymdyǵy bar memlekettik baǵdarlamalardy júzege asyrýdyń mańyzdylyǵyn atap ótti.
Sonymen qatar, Qazaqstan Prezıdenti «Nur Otan» partııasynyń XVI sezinde belgilengen bes halyqtyq reformany iske asyrý aıryqsha mańyzǵa ıe ekenin atap ótti. Bular kásibı jáne avtonomdy memlekettik apparatty qalyptastyrýǵa, zań ústemdigin ártaraptandyrýǵa negizdelgen ındýstrııalyq jáne ekonomıkalyq ósimdi qamtamasyz etýge, bolashaǵy birtutas ultty, sondaı-aq, transparentti jáne esep berýshi memleketti ornyqtyrýǵa baǵyttalǵan.
Memleket basshysy atalǵan sharalardyń bárin qoǵamda tutastyq, birlik jáne ózara senim bolǵan jaǵdaıda ǵana júzege asyrý múmkin ekenin atap kórsetti.
Qoǵamdyq shtab basshysy M.Qul-Muhammed keńes barysynda Memleket basshysyna elektorattyq naýqan mindetterin júzege asyrý úshin eldi respýblıkalyq, oblystyq, qalalyq jáne aýdandyq deńgeıde túgel qamtıtyn shtabtar júıesi qurylǵanyn baıandady. Ortalyq shtab quramyna 161 adam kiredi. Olardyń qatarynda halyqtyń túrli toptaryna ókildik etetin elge syıly ári bedeldi adamdar qamtylǵan. Nursultan Nazarbaevtyń senimdi ókilderi tiziminde barlyǵy 29 myń adam bar. Sonymen qatar, 50 myńnan astam belsendi azamat qoldaý kórsetýge tilek bildirdi.
Is-shara barysynda Taý-ken óndirý jáne taý-ken metallýrgııalyq kásiporyndary respýblıkalyq qaýymdastyǵy» zańdy tulǵalar birlestiginiń atqarýshy dırektory N.Radostoves, L.N.Gýmılev atyndaǵy Eýrazııa ulttyq ýnıversıtetiniń rektory E.Sydyqov, Parlament Májilisiniń depýtaty, «Qazaqstan tutynýshylarynyń ulttyq lıgasy» zańdy tulǵalar birlestiginiń tóraıymy S.Romanovskaıa, «Atameken» Ulttyq kásipkerler palatasy basqarmasynyń tóraǵasy A.Myrzahmetov sóz sóıledi.
* * *
Qoǵamdyq shtabtar elektoraldy kezeń qarsańynda kandıdatty qoldaý úshin qol jınaý jumysyn tabysty aıaqtady. Eldiń barlyq óńirinen 560 myńnan astam qol jınaldy.
Úgit jumystary barlyq oblys ortalyqtarynda, 87 qalada, 176 aýdanda, 6841 aýyl men kentte júrgiziledi. Respýblıkalyq qoǵamdyq shtab ókilderi halyqpen kezdesý úshin eldiń barlyq óńirin aralap shyǵady. Bul rette, eńbek ujymdarymen jumys júrgizýge aıryqsha den qoıylatyn bolady.
Sýretterdi túsirgender
S.BONDARENKO, B.OTARBAEV.
