Yntymaqtastyq máseleleri talqylandy

Qazaqstan Prezıdenti elimizge jumys saparymen kelgen Belarýs Respýblıkasynyń Prezıdenti Aleksandr Lýkashenkomen kezdesti, dep habarlady Prezıdenttiń baspasóz qyzmeti. Kezdesý barysynda memleketter basshylary saýda-ekonomıka, ınvestısııa, ónerkásip jáne aýyl sharýashylyǵy salalaryndaǵy yntymaqtastyqty qamtıtyn Qa­zaq­stan-Belarýs qarym-qatyna­sy­nyń negizgi máselelerin talqy­lady. Sondaı-aq Nursultan Nazarbaev pen Aleksandr Lýkashenko halyq­aralyq kún tártibindegi ózekti jaıttar jóninde pikir almasty. Qazaqstan Prezıdenti eki­jaqty yntymaqtastyq aıasynda el­derimiz qol jetkizgen barlyq ýaǵdalastyqtar tabysty oryndalyp jatqanyn atap ótti. Osyǵan baılanysty Memleket basshysy eki eldiń kóptegen birlesken kásip­oryndary jumys júrgizip jat­qanyna nazar aýdara kelip, bul istiń aldaǵy ýaqytta da jalǵasatynyn aıtty. Nursultan Nazarbaev sondaı-aq Belarýs Prezıdentiniń Ýkraına daǵdarysyn retteý isindegi úlesine toqtalyp ótti. – Oryn alyp otyrǵan taıta­lastyń eshkimge paıda bermeıtini jónindegi bizdiń ustanymdarymyz tolyǵymen úndesedi, – dedi Mem­leket basshysy. Qazaqstan Prezıdenti úsh memleket basshysynyń aldaǵy kezdesýi yntymaqtastyqtyń qazirgi kezdegi ózekti jáne perspektıvalyq máse­le­lerin talqylaýǵa múmkindik bere­tinin aıtty. A.Lýkashenko óz kezeginde eki­jaqty saýda-ekonomıkalyq ózara is-qımyldy budan ári damytýdyń mańyzdylyǵyn atap ótti. Belarýs Prezıdenti Qazaq­standaǵy alda turǵan Prezıdent saı­laýynyń jaıyna toqtaldy. – Qazaqstan halqy Sizge zor il­tıpatpen jáne erekshe jyly­lyqpen qaraıtynyn bilemin. Bizdiń de Sizge degen kózqarasymyzdy bi­lesiz. Biz Sizge tilekshimiz jáne jeńis tileımiz, – dedi A.Lýkashenko.