Foto: TJM
Bıyldyń ózinde Astanadaǵy iri Sharyn jáne Bıg Shanhaı bazarlary órtendi. Bıg Shanhaıdaǵy órt týraly bazar ákimshiligi qutqarýshylarǵa habarlamaǵan. Baspasóz konferensııasynda tótenshe jaǵdaılar vıse-mınıstri Kegen Tursynbaev 2023 jyly moratorıı bolǵandyqtan iri saýda oryndary tekserýden tys qalǵanyn aıtty.
«Odan basqa ýaqytta 2 myń sharshy metr aýmaqtan astam jerdi alyp jatqan saýda úılerin jyl saıyn tekserip kelemiz. Osy jyly sondaı 63 saýda nysanyn tekserdik. О́rt qaýipsizdigin buzý boıynsha 941 derek anyqtaldy. Qazirgi kezde salalyq zańǵa kóp ózgerister engizilgen. Sonyń bireýi – kóp adam jınalatyn, aýmaǵy 2 myń sharshy metrden asatyn saýda nysandary saqtandyrýǵa jatady. Osyndaı oń ózgerister órt qaýipsizdigi deńgeıin arttyrady dep olaımyn», dedi tótenshe jaǵdaılar vıse-mınıstri Kegen Tursynbaev.
Vıse-mınıstr búginde Bıg Shanhaıdan shyqqan órt sebebin anyqtaý boıynsha saraptama júrgizilip jatqanyn jáne osy aıdyń sońyna deıin qorytyndysy daıyn bolatynyn málimdedi.
