Qazaqstan • 07 Tamyz, 2025

Arpa eksporty eki ese artqan

50 ret

kórsetildi

1 mın

oqý úshin

2024 jylǵy qyrkúıekten 2025 jylǵy tamyzǵa deıingi aralyqta arpanyń syrtqa jetkizilý kólemi 1,82 mln tonnany quraǵan, bul ótken maýsymnyń osy kezeńimen salystyrǵanda 2 ese kóp (+952,6 myń tonna). Osylaısha elimiz arpa eksportyn aıtarlyqtaı arttyryp otyr, dep jazady Egemen.kz.

Shyńǵys MUQAEV

Foto: Aýyl sharýashylyǵy mınıstrligi

Naqty ataǵanda, Iranǵa 1,064 mln tonna arpa eksporttalsa (bul ótken maýsymmen salystyrǵanda 30 esege artyq), Qytaıǵa – 414,4 myń tonna, О́zbekstanǵa –125,2 myń tonna jóneltilgen.

Eksportqa suranystyń artýy ishki naryqtaǵy baǵanyń ósýine oń áser etken. Eger 2024 jylǵy qyrkúıekte arpanyń tonnasy 50-52 myń teńge deńgeıinde bolsa, 2025 jylǵy tamyz aıynyń basynda ol 85-87 myń teńge aralyǵynda turaqtaǵan.

Aýyl sharýashylyǵy mınıstrliginiń málimetine súıensek, ishki naryqtaǵy jaǵdaı turaqty. Bul rette «Azyq-túlik kelisimshart korporasııasy» UK» AQ 500 myń tonna bıdaı jáne 200 myń tonna kólemindegi jemdik qor (bıdaı men arpa) esebinen naryqtaǵy tepe-teńdikti qamtamasyz etip otyr.

Astyq baǵasynyń ósýi aýyl sharýashylyǵy taýaryn óndirýshilerdiń qyzmetine oń áserin tıgizip, sharýa qojalyqtarynyń rentabeldiligin saqtaýǵa, fermerlerdiń qosymsha qaryzsyz aǵymdaǵy shyǵyndaryn ýaqytyly óteýine, sondaı-aq sharýashylyqty saqtaý-damytý ınfraqurylymyna ınvestısııa salýyna múmkindik beredi.