Juban Moldaǵalıev atyndaǵy oblystyq ámbebap ǵylymı kitaphana uıymdastyrǵan konferensııaǵa fılologııa, tarıh salalaryndaǵy ǵalymdar men túrli sala mamandary Abaı shyǵarmashylyǵyna qatysty ózekti máselelerdi talqylady.
Batys Qazaqstan oblysy ákiminiń orynbasary Qaıyrjan Meńdiǵalıev, Ulttyq quryltaı múshesi, jazýshy Baýyrjan Ǵubaıdýllın óz sózderinde Abaıdyń rýhanı murasy jalpy adamzatqa ortaq, al qazaq balasy úshin eń basty baǵdar degen oıdy aıtyp ótti.
Mahambet ýnıversıtetiniń professory, pedagogıka ǵylymdarynyń doktory Abat Qydyrshaev «Abaı murasy – ulttyq qundylyqtar aınasy» atty baıandamasynda Abaıdyń qara sózderindegi pálsapalyq mazmunǵa toqtalsa, osy oqý ornynyń taǵy bir professory, fılologııa ǵylymdarynyń kandıdaty Zeınolla Mútıev Abaı men Farıza óleńderindegi sabaqtastyq týraly aıtyp berdi. Ádebıettanýshy ǵalym, fılologııa ǵylymdarynyń kandıdaty Rıta Sultanǵalıeva da Abaı oıynyń danalyǵy jaıly sóz qozǵady. Mahambet ýnıversıtetinde Qazaqstan tarıhy kafedrasynyń meńgerýshisi, tarıh ǵylymdarynyń kandıdaty Álfııa Baıbolsynova Abaı murasy – ulttyq ıdeologııanyń negizi ekenin qadap aıtty. Ardager ustaz, jubantanýshy Úzildik Eleýbaıqyzynyń «Adamzat órkenıetiniń tolyq ıesi – Abaı taǵylymy» atty baıandamasy jas urpaqqa baǵyshtaldy. Al osy sharany uıymdastyrǵan Juban kitaphanasynyń dırektory Sholpan Orazaeva bolsa Batys Qazaqstan oblysy kitaphanalarynda Abaı muralary qalaı nasıhattalyp jatqanyna toqtaldy.
Konferensııadaǵy úzdik baıandamalar jınaq retinde jaryq kóredi.
Batys Qazaqstan oblysy
