Abaı • 08 Tamyz, 2025

Ultqa – ustyn, álemge – ulaǵat

20 ret

kórsetildi

1 mın

oqý úshin

Abaı jyry, Abaı sózi ult rýhanııatynyń túbine tunǵan altyn sandyq ispetti. Qaı urpaq bolsyn sol sandyqty qal-qaderinshe ashyp, qazynasyn almaq. Nege deseńiz, Abaıdaı tutas eldiń qantamyryna aınalyp, qaımana jurtyn sheksiz súıgen ult aqyny joqqa tán. Sol arqyly ýaqyt pen keńistikti baǵyndyryp, ulttyń ulyq ustazy atanǵan danyshpan shyraǵy zaý bıikte jarqyrap tur. Kim Abaıdy súıse, erkindik pen bostandyqty, adamdyq pen ar-ojdan jolyn súıgeni. Kim hakimdi qaster tutsa, ol ózin, ózimen birge asqaq ultyn qasterlegeni.

Batyrhan SÁRSENHAN

Hakim ózimen birge top-top talant pen zııalylar tizbegin qalyptastyrdy. Abaıdan keıingi Alash azamattary danyshpan ilimin baǵdarsham etti, temirqazyq retinde mańdaıǵa tutyp, azattyq aspanyna adymdady. Aqyn qaldyrǵan uly jumbaq bolashaq tilimen ashylyp, olardyń keýdesine kemel úmit syılady. Osylaısha, aqyl-oıdyń shyraǵdany ultymyzdyń rýhanı tutasýynyń alǵadaıy, alyby atandy.

Abaı bir ultqa ǵana emes, Gomer, Dante, Vergılıı, Shekspır, Gete sekildi álemge ortaq tulǵa. Al qııametke deıingi qazaq jadynda jel shaıqaı almas, tasqyn-sel aǵyza almas joǵary kıeli oryn bar. Ol oryn tek Abaı hakimge ǵana tıesili.