Foto: Aqorda
Qaýymdastyqtyń memleket pen ınvestorlar arasyndaǵy dánekerlik rólin kórsetetin aýqymdy kún tártibi talqylandy. Eń aldymen sheshilýge tıis mindetter retinde ekonomıkany yryqtandyrýǵa, memlekettiń bızneske aralasýyn azaıtýǵa, memlekettik basqarý júıesine sıfrlyq sheshimder men jasandy ıntellekt tehnologııalaryn engizýge basa mán berildi.
Budan bólek, salyq júıesin jańǵyrtý, monopolııaǵa qarsy saıasatty jetildirý, jekeshelendirýdiń tıimdiligin arttyrý jáne memlekettik satyp alýdy reformalaý máseleleri qozǵaldy.
Qaýymdastyqtyń tóraǵasy Bolat Aqsholaqov otandyq bıznestiń ulttyq reıtıngin iske qosý jónindegi usynysyn jetkizdi.
Memleket basshysy bul bastamalardy qoldap, ınvestısııalyq klımatty jaqsartý jáne ornyqty ekonomıkalyq ósimdi qamtamasyz etý turǵysynan olardy júzege asyrý mańyzdy ekenin atap ótti.
