«Pısma prezıdentý» telegram-arnasy dalada mal baǵyp júrgen eki balanyń vıdeosyn jarııalady. Onyń biri óziniń bes jyldan beri quldyqta júrgenin aıtyp, kómek suraǵan.
«5 jyl turdym ba…5 jyl boıy kórgen qorlyǵym. (…) Telefonymdy alyp qoıdy. Mal baǵyp júrmiz. Ár ótken kólikten saǵat suraımyz. Kóretin qorlyǵymyz osy ǵoı. Bulaı qorlyq kórmep edim. Jatsam da, tursam da bir nárseni oılaımyn: týǵan ákemniń qolyna barsam dep. Úıdegi mamam sóılegisi keledi, biraq ózi qorqady. Kómektesip jiberińizdershi. Bir kúni ekeýmizdiń birimiz ólmesek… kómektesip jibermeseńizder», – deıdi jasóspirim vıdeoda.
Osy oqıǵadan keıin Jambyl oblysynyń polısııasy oqıǵaǵa balanysty qylmystyq is qozǵalǵanyn habarlady. Iske qatysy bar adamdar anyqtalyp, tergeý júrgiziletinin aıtty.
Budan bólek, balalar quldyqta boldyq degen Jambyl oblysynyń Kóktal aýylyna oblystyq bala quqyǵy boıynsha ombýdsmen Dáýren Baǵjanov barǵan.
Qazir balalar Taraz qalasyndaǵy qoldaý ortalyǵyna jetkizilgen.
