Keleńsiz oqıǵa Saıram aımaǵyndaǵy ortalyq kóshelerdiń birinde bolǵan. Patrýldik polısııa polkiniń 3-rota ınspektorlary – polısııa aǵa leıtenanttary О́skenbaı Beksultan men Hamra Nursultan – qyzmettik mindetterin atqarý barysynda kóliktiń otqa oranǵanyn baıqap, dereý sol jerge asyǵady. Olar qyzmettik avtokólikterinen órt sóndirgishti alyp shyǵyp, qyzyl jalynǵa oranǵan mashınadaǵy órtti sóndirýge umtylady. Keıin jaqyn mańdaǵy kógaldy sýarýǵa arnalǵan qubyrshekpen kólikke qaraı sý shashady. О́rt sóndirý qyzmeti kelgenshe tártip saqshylary mashınadaǵy órtti sóndirip úlgeredi.
Kólik júrgizýshisi polısııa qyzmetkerleriniń jedel áreketine ári kásibı sheberlikteerine tánti bolyp shyn júrekten alǵysyn bildirdi. Batyldyqtarynyń arqasynda órt der kezinde aýyzdyqtalyp, kóligi aman qalǵanyn, úlken shyǵynǵa ushyramaǵanyn atap ótti.
Polısııa ókilderi men órt sóndirý qyzmeti mamandarynyń aıtýynsha kólik quraldarynda órt qaýipsizdigin qamtamasyz etý úshin tez tutanatyn jáne janǵysh suıyqtyqtardy paıdalanýǵa bolmaıdy. Sondaı-aq, akkýmýlıatordy kólik ishinde zarıadtamaý kerek. Jáne mindetti túrde jaramdy órt sóndirgish quralyn alyp júrý – qaýipsizdiktiń basty talaptary bop sanalady.
Shymkent qalasynyń polıseıleri azamattardyń qaýipsizdigi úshin táýlik boıy qyzmet atqarýdy jalǵastyrady.
