«Qashaǵan» qubyryn aýystyrý bastalady

Kaspıı teńiziniń qazaq­standyq sektoryndaǵy «Qasha­ǵan» kenishinen tartylǵan qubyrlar jaqyn arada aýys­tyryla bastaıdy. Bul týraly  NCOC kompanııasy basqarýshy dırektorynyń orynbasary Jaqyp Marabaev málim etti. «Qashaǵan» kenishinen munaı alý úderisi toqtap tur. Oǵan ken ornynan «Bolashaq» munaı men gazdy keshendi daıyn­daý qondyrǵysyna deıin tartylǵan qubyrdaǵy aqaýlardyń anyqtalýy  sebep bolǵan edi. Sodan keıin ken orny men keshendi qondyrǵy arasyn jalǵaǵan qubyrdy ­aýystyrý máselesi qozǵalyp keledi. «Qubyrlardy aýystyrý Kaspıı muzy erigen kezde bastaý kózdelip otyr. Bastapqyda ken ornyn  «Bola­shaq» qondyrǵysymen baılanystyratyn qubyrlar tóseledi. Ekologtar talabymen balyqtardyń ýyldyryq shashýyna baılanysty maý­sym­ǵa deıin teńiz operasııalaryn júrgizýge tyıym salyndy. Tyıym alynǵannan keıin teńizdegi ýchaskelerde qubyr­lardy tóseý jumystary júrgiziledi. Bul jumystardy 2016 jyldyń sońyna deıin aıaqtaý josparlandy», dedi Atyraýda ótken «Munaı-gaz qurylysy men ınjınırıng» konferensııasyna qatysqan NCOC kompanııasy basqarýshy dırektorynyń orynbasary Jaqyp Marabaev. Joldasbek ShО́PEǴUL, «Egemen Qazaqstan». Atyraý oblysy.