Oqıǵa oryn alǵan alǵashqy saǵattardan bastap Qorǵanys mınıstrliginiń basshylyǵymen táýlik boıy barlyq qajetti kúshter men quraldardy jumyldyra otyryp, izdestirý-qutqarý operasııasy júrgizilýde.
Qorǵanys mınıstrligi, TJM, IIM jáne basqa da vedomstvolardyń birlesken jumysy aıasynda, "Qazaqstan Ǵarysh Sapary" aksıonerlik qoǵamynyń qoldaýymen spýtnıktik derekterdi paıdalana otyryp, matematıkalyq esepteýler júrgizildi. Bul tikushaqtyń yqtımal ornalasqan aýmaǵyn anyqtaýǵa múmkindik berdi.
"Atalǵan aýdanǵa jedel túrde izdeý toptary men arnaıy tehnıka jóneltildi. Sý astyndaǵy jumystar barysynda QR Qarýly Kúshteriniń áskerı qyzmetshileri shamamen 14 metr tereńdikte áýe kemesiniń ishinara synyqtary men bir adamnyń máıitin anyqtady", – delingen habarlamada.
Izdeý jumystary sý astyndaǵy kórinýdiń nasharlyǵy men laıly tunbalardyń bolýyna baılanysty kúrdelene túsýde, bul súńgýirler men ınjenerlik bólimshelerdiń jumysyn aıtarlyqtaı baıaýlatady.
Qıyn jaǵdaıǵa qaramastan, jumyldyrylǵan barlyq kúshter operasııany múmkindiginshe tez aıaqtaý úshin úılesimdi ári maqsatty túrde áreket etýde.
