Ispanııadaǵy jarystyń besinshi, ıaǵnı sheshýshi kezeńi Kıntana-del-Pıdıo qalasynan bastalyp, 138,3 shaqyrymnan keıin veloshabandozdardyń Lagýnas-de-Neılada taý shyńyna órleýimen máresine jetti. Sońǵy asýdaǵy Fortýnatonyń shabýyly oǵan kezeńde úzdik úshtikke enýge jáne jalpy klassıfıkasııada ekinshi orynǵa shyǵýǵa múmkindik berdi.
Sondaı-aq XDS Astana Team komandasynyń taǵy bir veloshabandozy Krıstıan Skaronı "Norvegııanyń Arktıkalyq jarysynyń" úshinshi kezeńinde jeńiske jetip, bas klassıfıkasııada da úshinshi orynǵa kóterildi. Komandadaǵy taǵy bir sportshy Kleman Shampýssan kezeńdi tórtinshi bolyp aıaqtady.
- Búgin bári óte jaqsy ótti. Komanda keremet jumys jasady. Erteń jaǵdaıymyzdy jaqsarta alamyz ba, kóremiz. Jalpy, babymdamyn. Qyrkúıek pen qazanda joǵary nátıjelerge qol jetkizemin dep úmittenemin. Biz munymen toqtap qalmaımyz, — dedi Krıstıan Skaronı suhbatynda.
Norvegııadaǵy jarystyń úshinshi kezeńi Hýsıoı (Senıa) qalasynan bastalyp, 182 shaqyrymnan keıin Molselvte máresine jetti. Kezeńde birinshi oryndy Q36.5 Pro komandasynyń brıtandyq ókili Tom Pıdkok jeńip aldy. Ekinshi orynǵa Israel-Premier Tech quramasyndaǵy Jańa Zelandııa sportshysy Korbın Strong turaqtady.
"Astananyń" basqa sportshylary mynandaı nátıjeler kórsetti: Anton Charmıg – 20-oryn, Aaron Geıt – 83-oryn, Davıde Ballerını – 84-oryn, Keıs Bol – 94-oryn. Jarys búgin jalǵasyn tabady.
