О́skemendegi jeke úılerdiń birinde otbasy dastarqan jaıyp, otyrys jasaǵan. Erli-zaıypty ishimdik ishken, al úıde aqyl-esi kem, tósekke tańylǵan áıeldiń ákesi de bolǵan.
«Qart densaýlyǵyna baılanysty únemi kútimdi qajet etken, bul kúıeý balasyn qatty ashýlandyrǵan. Kúndizgi saǵat ekiler shamasynda zeınetker tósekte jatyp eriksiz dáret syndyrǵan. Er adam oǵan aıqaılaı bastaıdy. Qyzy ákesine arasha túsken, biraq kúıeýi agressııa kórsetken», - dep jazdy basylym.
Janjal shyǵyp, áıel as úıge baryp, sol jerden pyshaq alǵan. Ol alǵashqy soqqyny kúıeýiniń keýde tusynan jasaǵan. Sodan keıin júrek tusynan taǵy tórt ret urady, al qashyp ketpek bolǵanda, ony qýyp jetip, arqasynan altynshy ret urǵan.
Jábirlenýshi sol jerde kóz jumdy – pyshaq júrekti, baýyrdy, ókpeni zaqymdaǵan.
Tergeý anyqtaǵandaı, kisi óltirý alkogoldik masań kúıde jasalǵan, arazdyq jyldar boıy jınaqtalǵan. Aıyptalýshy óz áreketiniń saldaryn bilip, oıyn sońyna deıin jetkizgen.
Kisi óltirgennen keıin ol polısııa shaqyrǵan. Úkim shyǵarý kezinde sot kinásin moıyndaǵanyn, sottylyǵynyń joqtyǵyn jáne asyraýynda qart ákesiniń bolýyn eskerdi. Osyǵan qaramastan áıel segiz jylǵa bas bostandyǵynan aıyryldy.
