Saltanatty is-shara aqyn eskertkishine gúl shoqtaryn qoıý rásimimen bastaldy. Oǵan Atyraý oblysy ákiminiń orynbasary Qaırat Nurtaev, halyq kompozıtory Ilııa Jaqanov, oblystyq Ardagerler keńesiniń tóraǵasy Murat О́teshov, zııaly qaýym men qoǵamdyq uıym ókilderi, sondaı-aq qala turǵyndary qatysty.
Gúl shoqtaryn qoıý, Atyraý, Abaı Qunanbaıuly, 180 jyldyǵy , sýret - Zakon.kz jańalyq 10.08.2025 14:29
Alańda jurtshylyq nazaryna arnaıy ázirlengen "Abaı aýyly" etnografııalyq kompozısııasy usynyldy. Tórt taqyryptyq kıiz úıde aqyn ómiriniń negizgi kezeńderi – balalyq shaǵy, bilim men izdenis jyldary, qoǵamdyq qyzmeti jáne rýhanı kemeldenýi beınelendi. Qonaqtar ulttyq qolóner kórmesin tamashalap, qazaqtyń dástúrli oıyndary men sporttyq jarystaryna qatysty.
Merekelik is-shara "Abaı beınesi" atty teatrlandyrylǵan qoıylymmen jalǵasty. Onda akterler uly oıshyldyń ár kezeńdegi poetıkalyq monologtaryn sahnalady. Kórermender Abaıdyń máńgilik mánin joǵaltpaǵan óleńderin tyńdap, onyń ánderin belgili aımaq ónerpazdary men etnomádenı birlestik ókilderiniń oryndaýynda tyńdady.
Keleli jıynǵa qatysýshy oblys ákiminiń orynbasary Qaırat Nurtaev Abaı murasyn ulttyń rýhanı irgetasy dep atap, onyń oı-tolǵamdary men ósıetteriniń qazaqstandyq ár býynǵa ónege ári shabyt syılaıtynyn aıtty. Al halyq kompozıtory Ilııa Jaqanov uly aqyn shyǵarmashylyǵynyń urpaqtar arasyndaǵy altyn kópir bolyp, óner sheberlerin jańa týyndylar jasaýǵa jigerlendiretinin jetkizdi.
