Qala turǵyndary men qonaqtary júgirý festıvalin 6.20-da EKSPO aýmaǵyndaǵy Táýelsizdiktiń 25 jyldyǵyna arnalǵan monýment janynan bastady. Onda aldymen festıvaldiń uıymdastyrýshylary Heart Center Foundation qoǵamdyq qory yntymaqtastyq týraly memorandým aıasynda Respýblıkalyq transplantasııany úılestirý ortalyǵyna 15 mln teńge kóleminde grant tabystady.
Resmı derek boıynsha qazir elimizde júrek, búırek, baýyr jáne ókpe transplantasııasyna 4 117 adam muqtaj. Onyń ishinde 3 myńnan astamy – búırek, 145-i – júrek aýystyratyn ýaqytty kútip júr. О́kinishke qaraı, jyl saıyn 300-den astam adam óz donoryn taba almaı, kútý paraǵynan shyǵyp qalady. Júgirýge kelgen ár qatysýshy osy derekterden qulaǵdar bolyp, 1km, 3 km nemese 10 km qashyqtyqty baǵyndyrýǵa bel sheshti.
Qordyń negizin qalaýshy jáne UMC Basqarma tóraǵasy, beldi dáriger Iýrıı Pıa jobaǵa qoldaý bildirip kelgen kópshilikke alǵys aıtty. Transplantasııany nasıhattaý arqyly qaǵamda donorlyq týraly durys túsinik qalyptastyrýǵa bolatynyn jetkizdi.
«Bizdiń elimiz – Ortalyq Azııada transplantasııa men ólimnen keıingi donorlyq damyǵan jalǵyz memleket. Bul – elimizdiń damý deńgeıiniń kórsetkishteriniń biri. Alǵashqy júrek transplantasııasy jasalǵanyna týra 13 jyl toldy. Sodan beri operasııa sany aıtarlyqtaı artty. Juregimnin Jenimpazy jobasy qoǵamda donorlyq týraly túsinikti qalyptastyrý úshin ótkiziledi. Demek, osyndaı is-sharalar arqyly donorlyqty nasıhattaý bizdiń mindetimiz»,– dedi Qordyń negizin qalaýshy jáne UMC Basqarma tóraǵasy, dáriger Iýrıı Pıa.
Iýrıı Pıanyń jetekshiligimen elimizdegi dárigerler osy kúnge deıin 104 transplantasııa jasaǵan. Bilseńizder, ol – 2012 jyly elimizde alǵash júrek transplantasııasyn jasaǵan kardıohırýrg. Dáriger UMC Júrek ortalyǵynan kelgen bir top medısına qyzmetkerin bastap, ujym bop 1 shaqyrym qashyqtyqty eńserdi.
Qoǵamdyq qor dırektory Murat Zaýyrov júgirýdiń bas demeýshisinen jáne qatysýshylardyń tirkeý jarnasynan túsken qarajat jyldaǵy ádeppen Respýblıkalyq transplantasııany úılestirý ortalyǵyna jáne Qordyń bilim berý jáne aǵartý jobalaryna baǵyttalatynyn aıtty.
«Biz festıvaldi jyl saıyn ótkizip júrmiz. Sonda qoǵamnyń transplantologııany damytýdyń mańyzyn túsinetinin baıqaımyz. Bıyl ótken jylmen salystyrǵanda 500 adamǵa artyq jıyldyq. Bizdiń maqsatymyz – osy taqyryptaǵy aqparattyq vakýýmdy joıý. Ol bizdiń qolymyzdan keldi dep esepteımin. Budan bólek, Yntymaqtastyq týraly memorandým aıasynda Qor Respýblıkalyq transplantasııany úılestirý ortalyǵyna 15 mln teńge grant berdi»,– dedi M.Zaýyrov sózin túıindep.
Negizi aýqymdy is-shara aldynda júgirýge daıyndyq júrgizilgen. Botanıkalyq baqtaǵy «Syı» ınstallıasııasy janynda eki aı tegin jattyǵý uıymdastyrylypty. Oǵan shamamen myńǵa jýyq adam qatysqan. Túıindeı kele festıvaldi shaǵyn jáne iri kásipkerler, ekinshi deńgeıli bankter qoldaǵanyn aıta ketelik.
