Merekelik is-shara Abaı eskertkishine gúl shoqtaryn qoıýdyń saltanatty rásiminen bastaldy. Oıshyldyń rýhyna taǵzym etýge oblys ákimi Ashat Shaharov, qala ákimi Azamat Beket, qoǵam ókilderi, ǵalymdar, jazýshylar, mádenıet qaıratkerleri, stýdentter jáne qala turǵyndary keldi.
«Abaı – qazaq halqynyń ǵana emes, búkil adamzattyń rýhanı qazynasy. Onyń fılosofııasy, óleńderi men prozasy bizdi adal, ádil bolýǵa, bilimge umtylýǵa jáne birlikte ómir súrýge úıretedi. Búgin uly oıshyldyń 180 jyldyǵyn atap ótip, biz onyń ólmes ıdeıalaryna qurmet kórsetemiz. Aqtóbe oblysynda biz Abaı shyǵarmashylyǵyn nasıhattaýdy jáne onyń jastarǵa amanattaǵan qundylyqtaryn dáripteýdi jalǵastyramyz. Onyń murasy bizdi aldaǵy ýaqytta da jasampazdyqqa jáne aýyzbirshilikke jeteleı bersin»,-dep quttyqtaý sózin arnady oblys ákimi.
Ashat Shaharovtyń quttyqtaý sózinen keıin kórermender uly oıshyldyń ómiri men shyǵarmashylyǵyna qyzyqty saıahat jasady. Alǵash bolyp sahnada «Abaıdyń dúnıege kelýi» atty áserli monolog-qoıylym qoıyldy. Odan keıin «Alaqaı» qýyrshaq teatry «Abaıdyń balalyq shaǵy» spektaklin kórermen nazaryna usyndy, al mýzykalyq úzilisterde aqynnyń súıikti shyǵarmalary – «Segiz aıaq» jáne «Jelsiz túnde jaryq aı» oryndaldy.
T. Ahtanov atyndaǵy oblystyq drama teatry akterleriniń fılosofııalyq beıneni, Abaıdyń oılary men ónegelik ustanymdaryn tiriltken teatrlandyrylǵan kórinisteri erekshe qyzyǵýshylyq týdyrdy.
