QR Ǵylym jáne joǵary bilim mınıstrliginiń habarlaýynsha, testileýge qatysý úshin shamamen 28 myń ótinish qabyldandy. UBT tapsyrýshylardyń shamamen 65%-y testileýdi qazaq tilinde, 35%-y orys tilinde, al 89 adam aǵylshyn tilinde tapsyrýǵa nıet bildirgen.
UBT ótkizilip jatqan alǵashqy kúni 2,2 myń adam test tapsyrady.
«Tamyz aıyndaǵy UBT-ǵa bıylǵy jáne ótken jyldardaǵy mektep pen kolledj túlekteri, qandastar (QR azamaty bolyp tabylmaıtyn qazaq ultynyń ókilderi), shetelde bilim alǵan orta bilim uıymdarynyń túlekteri, shyǵarmashylyq mamandyqtan basqa mamandyqqa aýysqysy keletin stýdentter, basqa mamandyqtan pedagogıkalyq baǵytqa aýysqysy keletin stýdentter, sondaı-aq joǵary oqý ornyna shartty túrde qabyldanǵan stýdentter qatysyp jatyr», dep atap ótti vedomstvo.
О́z mamandyǵy boıynsha aqyly negizde JOO-da oqýyn jalǵastyrýdy josparlaǵan kolledj túlekteri áńgimelesý nátıjeleri boıynsha oqýǵa túse alady. Bul rette qabyldaý JOO qabyldaý komıssııalary arqyly júzege asyrylady.
