Foto: gov.kz
Iri qara mal sany 8,8 mıllıonǵa jetken (+8,3%), onyń ishinde sıyr - 4,5 mln (+16,3%), buzaý - 2,7 mln. Bul ótken jylmen salystyrǵanda 17,5%-ǵa kóp. Usaq mal 0,8%-ǵa ósip, 21,5 mıllıondy quraǵan. 7,6 mln qozy alynǵan (+4,8%). Jylqy sany 4,7%-ǵa artyp, 4,7 mıllıonǵa, qulyn basy 1 mıllıonǵa jetken (+8,1%).
Qańtar–maýsym aılarynda 529,9 myń tonna et óndirilgen (+1,5%), onyń ishinde: sıyr eti — 182,3 myń tonna, qoı eti — 56,4 myń tonna, jylqy eti — 69,3 myń tonna.
Al mınıstrlik et baǵasynyń ósýine kommýnaldyq qyzmetter, energııa resýrstary, jem-shóp pen janar-jaǵarmaıdyń qymbattaýy, sondaı-aq joǵary eksporttyq suranys áser etkenin málimdep otyr.
Ishki naryqty qorǵaý maqsatynda tiri maldy áketýge ýaqytsha shekteýler engizilip, et ónimderin eksporttaýǵa baqylaý sharalary kúsheıtilgen.
10 qazanǵa deıin IQM men UM analyq malyn syrtqa áketýge tyıym salý sharasy áli de kúshinde. Sondaı-aq, 2025 jyldyń 15 mamyrynan 15 tamyzǵa deıin IQM buqalaryn áketýge tyıym engizilgen bolatyn. Bul shara 16 tamyzdan 30 qazanǵa deıin uzartylǵan.
Sonymen qatar, qańtar–mamyr aralyǵynda et eksporty artqan. Osy kezeńde sıyr eti eksporty 12,3 myń tonnany qurap, ótken jyldyń sáıkes kezeńimen salystyrǵanda 2,4 ese ósken. Qoı eti eksporty — 9,2 myń tonna, ósim 2,6 esege jetken.
