Birinshi kredıttik bıýronyń málimetinshe, shildede elordadaǵy ekinshi naryqtaǵy páterlerdiń baǵasy aıdan aıǵa 1,5%-ǵa qymbattady. Bul QR SJRA USB derekteri boıynsha, sońǵy jeti aıdaǵy eń joǵary baǵa ósimi.
Buǵan deıin Astanada ekinshi naryqtaǵy turǵyn úı baǵasy sáýirden maýsymǵa deıin qatarynan úsh aı boıy arzandaǵan edi. Mundaı jaǵdaılar jalpy sırek kezdesedi – sońǵy tolyq emes segiz jyl ishinde mundaı jaǵdaı tek eki ret bolǵan. Ádette aı qorytyndysy boıynsha baǵalar ne ósedi, ne bir deńgeıde qalady.
Sonymen qatar elordada jalǵa beriletin turǵyn úı quny da aıtarlyqtaı ósti – maýsymmen salystyrǵanda 1%-ǵa. Bastapqy naryqtaǵy páterler de qymbattaǵan, biraq aıtarlyqtaı emes – aıdan aıǵa 0,3%-ǵa.
Al Almatyda jańa páterlerdiń baǵasy aılyq mánde múlde ózgergen joq, al eski páterler 1%-ǵa qymbattady. Mamyrdaǵy baǵalardyń kúrt tómendeýinen keıin munda jalǵa alý baǵasy eki aı qatarynan baıaý ósýde, naqtyraq aıtqanda, shildede aıdan aıǵa 0,5%-ǵa qymbattady.
