Foto: exp.idk.ru
Onyń ishinde taýar óndirý kólemi 8,3%-ǵa, qyzmetter 5,2%-ǵa (bul rette eń qarqyndy segment kólik pen saýda bolyp otyr), ónerkásip 6,9%-ǵa artqan.
JIО́-niń ósýine eń kóp úles qosqan salalar qatarynda kólik jáne qoıma – 22,5%, qurylys – 18,5%, kóterme jáne bólshek saýda – 8,6%, taý-ken ónerkásibi – 8,5%, óńdeý ónerkásibi – 6,1% bar.
Kólik jáne qoıma salasyndaǵy qyzmet kólemi temirjol, qubyr jelileri jáne avtomobıl kóligimen júk tasymaly kóleminiń joǵary bolýyna baılanysty 22,5%-ǵa ósim kórsetken.
Qurylys salasynda jumys kólemi 18,5%-ǵa artty (2025 jyldyń qańtar–maýsymyndaǵy 18,4%-ben salystyrǵanda). Túrkistan oblysynda (+34,6%) mektepter, temirjol jelileri jáne avtojoldar qurylysy, Aqtóbe oblysynda (+25,6%) jaıly mektepter qurylysy men joldardy rekonstrýksııalaý, Jambyl oblysynda (+13,1%) jáne Shyǵys Qazaqstan oblysynda (+5,9%) turǵyn úıler, medısınalyq nysandar jáne elektr jelilerin salý jobalaryn júzege asyrýǵa baılanysty joǵary ósim tirkelip otyr.
Saýda 8,6%-ǵa ósken (2025 jyldyń qańtar–maýsymynda 8,4%). Esepti kezeńde kóterme saýda 9,5%-ǵa ósip, jalpy ósimniń 66%-dan astamyn qamtyp, bólshek saýda 6,6%-ǵa artqan. Aıtarlyqtaı dınamıka Qostanaı oblysynda (+17,6%), Soltústik Qazaqstan oblysynda (+12%) jáne Astanada (+9,2%) baıqalǵan, munda astyq, agrohımııa, azyq-túlik, otyn, farmasevtıka ónimderin jáne tehnıka satý kórsetkishteri qarqyndy túrde ósip keledi.
О́nerkásip óndirisindegi ósim – 6,9%. Elimizdiń barlyq óńirinde ósim baıqalǵan, dınamıka boıynsha kóshbasshylar – Jambyl oblysy (+18,2%), Soltústik Qazaqstan oblysy (+14,9%), Shymkent (+15,8%) jáne Almaty (+13,5%), sondaı-aq Túrkistan oblysy (+12,3%).
О́ńdeý ónerkásibindegi ósimdi (6,1%) mashına jasaý (+14%), azyq-túlik (+9,2%), munaı ónimderi (+8,6%), hımııa ónerkásibi (+6%) jáne metallýrgııa (+1,3%) kórsetip otyr.
Aýyl, orman jáne balyq sharýashylyqtaryndaǵy óndiris kólemi 3,7% deńgeıinde saqtalǵan. Mal sharýashylyǵyndaǵy ósim sút (+6,1%), mal, qus bordaqylaý (+2,1%) jáne jumyrtqa (+0,9%) esebinen 3,4%-ǵa jetti.
Úkimet ekonomıkadaǵy negizgi salalardy qoldaýǵa, ony ártaraptandyrýǵa jáne ınvestısııalyq belsendilikti yntalandyrýǵa erekshe nazar aýdara otyryp, ekonomıkanyń turaqty ósimin qamtamasyz etý jónindegi Prezıdenttiń tapsyrmalaryn júzege asyrý barysyn baqylaýda ustaıtynyn habarlady.
