Foto: pixabay.com
Málimetke súıensek, qaıtarylǵan aktıvter jónindegi komıtet 2025 jyly el bıýdjetine 354 mıllıard teńgeden astam qarjy qaıtardy. Bul qarajat áleýmettik maqsattarǵa baǵyttalyp, elde 400-den astam jańa nysan – mektepter, aýrýhanalar jáne basqa da mańyzdy ınfraqurylymdar salýǵa jumsalady.
Halyqaralyq yntymaqtastyq salasynda birqatar mańyzdy kelisimder ratıfıkasııalandy. Atap aıtqanda, Katarmen qylmystyq ister boıynsha ekstradısııa jáne quqyqtyq kómek týraly kelisimder bekitildi. Sondaı-aq Kıprmen sottalǵan adamdardy berý týraly kelisim kúshine endi.
Mańyzdy qadamdardyń biri – 2025 jyldyń maýsymynda Eýropa Keńesiniń Mınıstrler komıteti Qazaqstannyń Qylmystyq ister boıynsha ózara quqyqtyq kómek týraly konvensııaǵa qosylý ótinishin biraýyzdan qoldady. Bul qujatqa qosylý Qazaqstanǵa 46 eýropalyq elden qylmystyq ister boıynsha dálelder men derekterdi tikeleı alý quqyǵyn beredi.
Sarapshylardyń pikirinshe, bul bastama halyqaralyq qylmystarmen kúresti kúsheıtip, shetelde jasyrylǵan aktıvterdi qaıtarý prosesin jedeldetedi.
