Foto: Energetıka mınıstrligi
Almaty oblysy aýmaǵyndaǵy Sharyn aýylynda uzyndyǵy 64 km bolatyn gaz qubyrynyń qurylysy aıaqtalyp, 1 200-den astam úıge, mektepke, aýrýhanaǵa, balabaqshaǵa jáne ákimshilik ǵımarattarǵa gaz qosyldy. Tashqarasý jáne Baharq aýyldarynda qurylys jumystary belsendi júrgizilip jatyr. Jýyrda taǵy 978 úı men áleýmettik nysandar gazǵa qosylmaq.
Joba Memleket basshysynyń tapsyrmalary jáne Qazaqstandy 2030 jylǵa deıin gazdandyrýdyń Bas syzbasy sheńberinde «QazaqGaz» ulttyq kompanııasymen júzege asyrylyp jatyr. Búginde Almaty oblysy halqynyń 77%-y tabıǵı gazǵa qol jetkizip otyr. Oblysta 373 eldi mekenniń 157-si, sonyń ishinde 5 qala tolyq gazdandyrylǵan. Gaz jelileriniń jalpy uzyndyǵy 4 200 km-den asady, al jyldyq tutyný kólemi – 200 mln tekshe metr.
Energetıka mınıstrliginiń málimetinshe jalpy, Qazaqstan boıynsha gazdandyrý deńgeıi 62,4%-dy qurap otyr. Bul degenimiz – 20,2 mln halyqtyń 12,6 mıllıony tabıǵı gazǵa qol jetkizgen. Bul kórsetkish 2023 jylmen salystyrǵanda 2,4%-ǵa joǵary. 2024 jyly 4 000 km-den astam gaz qubyry salynyp, 93 joba iske asyrylǵan. Bıyl taǵy 77 jobany aıaqtap, 300 myńnan astam adamdy gazben qamtamasyz etý josparǵa alynǵan.
