Komıssııanyń keńeıtilgen otyrysy

Qýanysh Sultanovtyń tóraǵalyǵymen Qazaqstan Prezıdenti janyndaǵy Adam quqyqtary jónindegi komıssııanyń Qazaqstanda balalardyń quqyqtaryn qamtamasyz etýdiń ózekti máselelerine arnalǵan keńeıtilgen otyrysy bolyp ótti. Berilgen taqyrypta Bilim jáne ǵylym mınıstri Aslan Sárinjipov baıandama jasady. Komıssııa otyrysynyń ju­mysyna Qazaqstan Respýb­lıkasynyń bıliktiń zań shy­ǵarýshy, atqarýshy jáne sot tarmaqtary organdarynyń, bi­lim berý, ǵylym jáne mádenı uıymdardyń, halyqaralyq jáne úkimettik emes uıymdardyń, advokatýranyń, jurtshylyqtyń jáne BAQ ókilderi qatysty. Komıssııa otyrysynda Qazaqstan Konstıtýsııasynda, «Neke (erli-zaıyptylyq) jáne otbasy týraly» kodekste, «Bala quqyqtary týraly», «Bilim berý týraly», «Memlekettik bilim berý jınaqtaý júıesi týraly» Qazaqstan zańdarynda, Eko­nomıkalyq, áleýmettik já­ne mádenı quqyqtar týraly halyqaralyq paktide, BUU Bala quqyqtary týraly konvensııasynda kepildik berilgen balalardyń quqyqtary men múddelerin saqtaý máselesi talqylandy. Komıssııa músheleri Qazaq­standaǵy balalar quqyqtary men balalyqty qorǵaý máselelerine erekshe kóńil bóldi. Búgingi tańda respýblıkada týǵannan bastap kámeletke jasqa jetkenge deıingi 5 mıllıonnan astam bala turady. Onyń ishinde 141 myńnan astamy – múmkindigi shekteýli balalar, 9 myńnan astamy – ınternattyq mekemelerde tárbıelenip jatqan jetim balalar men ata-ananyń qamqorlyǵynsyz qalǵan balalar. Bala quqyqtaryn qorǵaý máselelerin sheshýde memlekettik basqarý organdarynyń, qoǵamdyq birlestikter men halyqaralyq jáne ózge de uıymdar ókilderiniń yntymaqtastyǵy men kúsh biriktirýi eleýli ról atqaratyny atap ótildi. Sóz sóılegender bala quqyq­taryn qorǵaý salasynda ózekti máselelerdiń bar ekenine nazar aýdaryp, ony sheshýde memlekettik organdar men ÚEU-lardyń birigip atsalysqandary jón dep usynys aıtty. Bul otbasylyq sátsizdiktiń profılaktıkasy, otbasylyq qundylyqtardy nyǵaıtý, balalardy adamgershilik-rýhanı tárbıeleý, ınklıýzıvti bilim berýdi damytý, kámelettik jasqa tolmaǵandarǵa qatysty qatygezdik qarym-qatynastyń jáne zorlyq-zombylyqtyń aldyn alý profılaktıkasy. Komıssııanyń otyrysynda ázirlengen usynymdar Memleket basshysynyń, Qazaqstan Respýblıkasy Parlamenti men Úkimetiniń nazaryna jetkiziletin bolady. «Egemen-aqparat».