1971 jyly týǵan Beıbit Qaıyrkeshuly Ismanovtyń ósken jeri Soltústik Qazaqstan oblysy. Onyń ata-anasy elge belgili azamattar. Buǵan deıin ol 2002 jyldan beri memlekettik qyzmette, Petropavl qalasy ákiminiń kómekshisi, apparat basshysy, oblystyń jolaýshylar kóligi jáne avtomobıl joldary basqarmasynyń basshysy satylarynan ótken. 2018-2020 jyldary ol Aıyrtaý aýdanynyń ákimi qyzmetine taǵaıyndaldy. Odan ári bes jyl boıy oblystyq tabıǵat resýrstary jáne tabıǵat paıdalanýdy retteý basqarmasynyń basshysy mindetin atqardy. Osy aıdyń basynda ol Qyzyljar aýdanynyń ákiminiń mindetin atqarýshy bolyp taǵaıyndalǵan.
Joǵary bilimdi Soltústik Qazaqstan Memlekettik ýnıversıtetinen jáne Máskeýdiń Gýmanıtarlyq ınstıtýtynan alǵan. Sonymen birge Reseı Prezıdenti janyndaǵy halyq sharýashylyǵy jáne memlekettik qyzmet akademııasynyń magıstratýrasyn bitirgen.
Aýmaqtyq saılaý komıssııasynyń derekterine qaraǵanda tirkelgen barlyq 31661 saılaýshynyń 17815 adam saılaýǵa qatysyp, sonyń 11771 B.Ismanovqa daýys bergen. Al onyń qarsylastary Sanat Áýbákirov – 2549, Asqar Habıbýllın – 1671 daýys jınaǵan. 1310 saılaýshy «barlyǵyna qarsymyn» dep daýys bergen.
