El taǵdyry beıjaı qaldyrmaıdy

Munaımash» AQ-ta ótken jıyn­da sóıleýshiler tarapynan naqty usynystar aıtyldy. Bas­­­qosýdy zaýyt basqar­ma­sy tór­­aǵa­synyń orynbasary Ser­geı Ero­feev ashyp, kásip­­orynda jumys isteıtin 1 myńǵa jýyq jumysshy-qyz­met­ker­lerdi ústimizdegi jyl­dyń 26 sáýi­rine belgilengen kezekten tys prezıdenttik saılaýǵa bir kisi­deı qatysýǵa shaqyrǵan úndeý tastady. Al «Nur Otan» partııa­sy oblystyq fılıaly tóraǵa­sy­nyń birinshi orynbasary Artýr Moldaǵulov óz sózinde: – Zaýyttaǵy ár maman óz isin jaýapkershilikpen atqarady. Al bul, birinshiden, ónimniń sapasyn arttyrýǵa, ekinshiden, suranystyń molaıýyna oń yq­pal etetin úderister. Bul oraıda, árqaısymyzdyń basty qundy­lyq­tarymyz – táýel­sizdikti, tu­raq­tylyqty, beıbit­shilik pen Qazaqstannyń ósip-órkendeýin, eldiń damýyn jáne bolashaqqa degen umtylysyn saqtaýǵa óz úle­simizdi qo­sýymyz kerek. Munyń ózi el taǵ­dyryna eshkimniń beıjaı qa­ra­maıtynyn ańǵartady, – dedi ol. Jıynda eńbek ardageri Grı­gorıı Kýhar, “Esil sý” RMK dı­rektory Serik Ysmaıylov, isker áıelder qaýymdastyǵynyń tóraıymy Baqytjan Sámıeva, kásiporynnyń kásipodaqtar uıy­mynyń jetekshisi Nına Ovsıankına sóz alyp, saılaýǵa bir kisideı qatysý saıası belsen­dilikti, naqty ustanymdy tanyta­tynyn málimdedi jáne barlyq áriptesterin 26 sáýir kúni saılaý ýchaskelerine kelip, óz tańdaý­laryn jasaýǵa shaqyrdy. О́mir ESQALI, «Egemen Qazaqstan». Soltústik Qazaqstan oblysy. Sýretterdi túsirgen Talǵat TÁNIBAEV.