Foto: opennews.kz
Jańa basqarma balalardyń quqyqtary men múddelerin qorǵaýmen aınalysady. Olar ótinishterge jedel áreket etý, otbasylarǵa kómek kórsetý jáne óńirdegi bala ál-aýqatyna jaýapty barlyq qyzmetterdiń jumysyn úılestirýi tıis.
Jergilikti atqarýshy organdardyń bazalyq qurylymyna Balalardyń quqyqtaryn qorǵaý basqarmasyn qurýdy kózdeıtin ózgerister engizilgen. Basqarmaǵa oblystyq jáne respýblıkalyq mańyzy bar qalalar men aýdandardaǵy balalardyń quqyqtaryn qorǵaý bólimderi, sondaı-aq elordadaǵy tıisti bólimder baǵynady.
«Biz ár balanyń senimdi qorǵalýyn qamtamasyz etetin júıe quryp jatyrmyz. Bul máselelerdi jedel sheshýge jáne balalarǵa jergilikti deńgeıde kómek kórsetýge múmkindik beredi», dedi Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.
Atalǵan bólimshelerdiń tıimdi jumys isteýi úshin Oqý-aǵartý mınıstrligi zańnamalyq deńgeıde norma bekitken. Qorǵanshylyq jáne qamqorshylyq organynyń bir mamany 5 myń balaǵa qyzmet kórsetedi. Sonyń nátıjesinde bıylǵy jyldyń basynan beri jergilikti deńgeıdegi qyzmetkerler sany 303-ten 896-ǵa ósti. Olar úshin oqytý kýrstary uıymdastyrylyp, biryńǵaı jumys standarttary engizilip jatyr.
Joba QR Bala quqyqtary jónindegi ýákilmen birlesip, elimizdiń barlyq óńirlerinde kezeń-kezeńimen júzege asyrylady.
