11 tamyzda ótken saltanatty ashylý is-sharasyna Túrki Akademııasynyń prezıdenti Shahın Mustafaev, Qarabaq ýnıversıtetiniń rektory Shahın Baıramov, Túrkııa ǵylym akademııasynyń prezıdenti Muzafer Sheker, sondaı-aq ǵylym jáne bilim berý qaýymdastyǵynyń ókilderi qatysty.
17 tamyzǵa deıin jalǵasatyn ótetin jazǵy mektep jas túrkolog ǵalymdardyń akademııalyq áleýetin arttyrýǵa, túrli elden kelgen qatysýshylar arasynda bilim men tájirıbe almasýǵa, sondaı-aq zamanaýı ǵylymı tásilder men qoldanbaly zertteý ádisterin meńgerýge múmkindik jasaýǵa baǵyttalǵan.
Baǵdarlamaǵa Ázerbaıjan, Qazaqstan, Qyrǵyzstan, О́zbekstan, Túrkııa, Soltústik Kıpr Túrik Respýblıkasy, Iran, Mońǵolııa jáne Soltústik Makedonııadan kelgen 35 jasqa deıingi 30 ǵylym doktory men postdoktorant qatysyp, olar halyqaralyq tájirıbesi bar ǵalymdar men mamandardyń jetekshiligimen bilim alyp jatyr.
Apta boıy qatysýshylar ǵylymı maqalalar daıyndaý, prezentasııalar jasaý jáne zertteý granttaryn tıimdi paıdalaný baǵyttarynda biliktilikterin arttyra otyryp, túrki memleketteriniń tarıhy, túrki áleminiń arheologııasy, túrki halyqtarynyń ózara qatynastary, óner men fılosofııalyq oı tarıhy, sondaı-aq túrki dıalektileri men ádebıetteri jónindegi taqyryptardy zerdeleıdi.
Ashylý rásiminde sóz sóılegen Túrki Akademııasynyń basshysy Shahın Mustafaev Qarabaqtyń tarıhı mańyzyn atap ótip, Akademııanyń túrki áleminiń ǵylymı jáne mádenı murasyn saqtaý men damytý baǵytynda qyzmet atqaratynyn jetkizdi. Sondaı-aq ol jazǵy mekteptiń tek bilim almasý alańy ǵana emes, jas ǵalymdar arasyndaǵy dostyq baılanystardy nyǵaıtýdyń mańyzdy quraly ekenine toqtalyp, qatysýshylarǵa sáttilik tiledi.
Dárister men semınarlardan bólek, qatysýshylar shyǵarmashylyq is-sharalarǵa qatysyp, Hankendi jáne Shýsha qalalarynyń tarıhı jáne mádenı murasymen tanysý múmkindigine ıe bolady.
