Fotolar: primeminister.kz
Is-sharaǵa Qazaqstan, Qyrǵyzstan, Tájikstan, Túrikmenstan, О́zbekstannyń salalyq jáne syrtqy saıasatqa jaýapty vedomstvolarynyń ókilderi, sondaı-aq halyqaralyq qarjy ınstıtýttary men damý uıymdarynyń ókilderi qatysty.
Atalǵan uıym – óńirdegi transshekaralyq sý resýrstaryn strategııalyq basqarýdaǵy negizgi memleketaralyq organ. Búgingi otyrystyń kún tártibi agroklımattyq jaǵdaıdyń kúrdeliligine baılanysty aıqyndaldy jáne sý resýrstaryn ádil bólý jónindegi jedel máselelerge arnaldy.
Qanat Bozymbaev bıylǵy vegetasııalyq kezeńniń asa kúrdeli jaǵdaıda ótip jatqanyn atap ótti. Aldaǵy jyldary kútiletin klımattyq ózgeris pen sý tapshylyǵy Ortalyq Azııa elderinen úılestirilgen áreketter men qol jetkizilgen ýaǵdalastyqtardy qatań saqtaýdy talap etedi.
«Shardara sý qoımasyndaǵy sý kólemi kópjyldyq ortasha deńgeıden tómendedi. Bul – jaı ǵana kórsetkish emes, aǵystyń tómengi bóligindegi sýmen qamtamasyz etilýine tóngen naqty qaýip. О́kinishke qaraı, osy komıssııa aıasynda qabyldanǵan sheshimder tolyq kólemde oryndalmaı otyr, bul óz kezeginde sý rejımderin retteýde eleýli qıyndyqtar týǵyzyp jatyr. Ýaqyt bizden anaǵurlym jyldam áreket etýdi talap etedi. Biz tek talqylap, josparlap qana qoımaı, naqty sharalar qabyldaýymyz qajet. Seriktestigimiz senim men ózara túsinistik rýhynda damı beredi dep senemin, al birlesken jumys elderimiz ben búkil óńir úshin naqty nátıjeler ákeledi», dedi Qanat Bozymbaev.
Otyrys aıasynda Qanat Bozymbaev Tájikstan men О́zbekstannyń sý sharýashylyǵy vedomstvolary basshylarymen ekijaqty kezdesýler ótkizdi. Kezdesýlerde Syrdarııa jáne Ámýdarııa ózenderi basseınderi boıynsha bekitilgen sý lımıtteri men sý qoımalarynyń jumys rejımderin paıdalaný máseleleri talqylanyp, kelesi jylǵy vegetasııalyq kezeńge daıyndyq is-sharalarynyń jospary aıqyndaldy.
Jıyn qorytyndysy boıynsha Memleketaralyq úılestirý sý sharýashylyǵy komıssııasynyń 90-shy otyrysynyń hattamasyna qol qoıý rásimi ótti. Kelesi otyrys Túrikmenstanda ótedi.
