Foto: Ashyq derekkóz
«Zorlyq-zombylyqqa, álimjetikke, ıaǵnı býllıngke, qatigezdik pen ozbyrlyqqa múlde jol berilmeýi kerek.
Sońǵy eki jylda óskeleń urpaqtyń quqyǵyn qorǵaý úshin naqty sharalar qabyldandy. Atap aıtqanda, kámelet jasyna tolmaǵandarǵa qatysty jasalǵan kez kelgen zorlyq-zombylyq úshin beriletin jaza qataıdy, bala quqyqtary jónindegi ýákildiń quzireti keńeıdi», dedi Prezıdent.
Sonymen qosa, Memleket basshysy taǵy bir ózekti másele týraly aıtty.
«Sondaı-aq taǵy bir ózekti másele. Balalardyń óz-ózine qol jumsaý jaǵdaılarynyń, ıaǵnı sýısıdtiń aldyn alý boıynsha júıeli jumys istelip jatyr. Elimizdegi barlyq mektepte «111» psıhologııalyq qoldaý qyzmetiniń QR-kody ornatyldy.
Jańa oqý jylynan bastap mektepter men kolledjderde álimjettikke, býllıngke qarsy «DosbolLIKE» atty baǵdarlama iske qosylady. Negizgi maqsat – balalar men jetkinshekter arasyndaǵy zorlyq-zombylyqtyń aldyn alý. Bul baǵyttaǵy mańyzdy jumys toqtamaıdy, jasóspirimderdiń quqyǵy men múddesin qorǵaý máselesi árdaıym memleket nazarynda bolady.
«Ne ekseń, sony orasyń» degen. Qazir biz bir qoǵam bolyp jas urpaqtyń boıyna qandaı qundylyqtardy sińirsek, erteń ondaǵan jyldan keıin ultymyzdyń sapasy da sondaı bolmaq. Ádiletti, Ozyq, Taza, Qaýipsiz jáne Qýatty Qazaqstannyń irgesi mektepte qalanady», dedi Qasym-Jomart Toqaev.
